ທະນາຄານພັດທະນາໃໝ່ບຣິກປະກາດຢູ່ນະຄອນຊຽງໄຮໃນຕອນຄ່ຳວັນທີ 30 ສິງຫານີ້ວ່າ, ໄດ້ອະນຸມັດເງິນກູ້ໃຫ້ 4 ປະເທດສະມາຊິກ ປະມານ 1 ຕື້ 400 ລ້ານໂດລາສະຫະລັດ, ໃນນີ້ ຈີນມີ 2 ໂຄງການຄື ໂຄງການແກ້ໄຂແມ່ນ້ຳສ່ຽງຈ່ຽງແຂວງຫູໜານ ແລະໂຄງການປະຢັດພະລັງງານແຂວງຈ່ຽງຊີ່, ສ່ວນອີກ 2 ໂຄງການເປັນຂອງອິນເດຍແລະຣັດເຊຍ.
ທ່ານກາມັດ ຜູ້ອຳນວຍການທະນາຄານພັດທະນາໃໝ່ບຣິກກ່າວວ່າ, 4 ໂຄງການດັ່ງກ່າວນີ້ ສອດຄ່ອງກັບບາດກ້າວການພັດທະນາຂອງປະເທດສະມາຊິກ ແລະສ່ອງແສງໃຫ້ເຫັນວ່າ ທະນາຄານຈະເອົາໃຈໃສ່ຕໍ່ການພັດທະນາແບບຍືນຍົງ, ສ່ວນໃນຕໍ່ໜ້າ ຈະສືບຕໍ່ເອົາໃຈໃສ່ສະໜອງເງິນກູ້ໃຫ້ແກ່ໂຄງການທີ່ສາມາດປັບປຸງລະດັບຊີວິດການເປັນຢູ່ຂອງປະຊາຊົນໃຫ້ດີຂຶ້ນຢ່າງຕໍ່ເນື່ອງ.
 |
