ວັນທີ 29 ສິງຫານີ້, ທ່ນຈຽງສິນ ອຸປະທູດຊົ່ວຄາວຈີນຂອງຄະນະປະຈຳອາຊຽນຈີນໄດ້ພົບປະກັບທ່ານຮິເຕະໂທຊິ ນິຊິມຸຣະ ຜູ້ວ່າການສູນຄົ້ນຄວ້າເສດຖະກິດອາຊຽນ-ອາຊີຕາເວັນອອກຫຼື ERIA ຢູ່ນະຄອນຫຼວງຈາກາຕາປະເທດອິນໂດເນເຊຍ, ໂດຍສອງຝ່າຍໄດ້ແລກປ່ຽນຄວາມເຫັນກ່ຽວກັບການກໍ່ສ້າງປະຊາຄົມເສດຖະກິດອາຊຽນ, ການເຊື່ອມໂຍງເສດຖະກິດອາຊີຕາເວັນອອກ, ຂະບວນການເຈລະຈາ "ການພົວພັນຄູ່ຮ່ວມມືເສດຖະກິດຮອບດ້ານຂອງພາກພື້ນ"ແລະຍຸດທະສາດພັດທະນາອາຊຽນແລະອື່ນໆ.
ທ່ານຈຽງສິນກ່າວວ່າ, ERIA ແມ່ນອົງການຄົ້ນຄວ້າເສດຖະກິດສຳຄັນຢູ່ອາຊີຕາເວັນອອກ, ແລະໄດ້ຕັ້ງໜ້າປະກອບສ່ວນເຂົ້າໃນການສະໜັບສະໜູນການກໍ່ສ້າງປະຊາຄົມອາຊຽນແລະການເຊື່ອມໂຍງເສດຖະກິດອາຊີຕາເວັນອອກ. ໂດຍຈີນຈະສືບຕໍ່ສະໜັບສະໜູນການຄົ້ນຄວ້າປຶກສາຫາລືວຽກງານທີ່ກ່ຽວຂ້ອງຂອງ ERIA, ແລະຫວັງວ່າຈະໄດ້ຮ່ວມຄົ້ນຄວ້າບັນຫາການເຊື່ອມຈອດຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ແລະ "ແຜນການລວມອາຊຽນເຊື່ອມຈອດກັນ 2025" ກັບ ERIA.
ທ່ານຮິເຕະໂທຊິ ນິຊິມຸຣະ ກ່າວວ່າຈີນແມ່ນສະມາຊິກຂອງສະພາມົນຕີ ERIA, ໂດຍຫຼາຍປີຜ່ານມາໄດ້ເສີມຂະຫຍາຍບົດບາດສຳຄັນໃນຂະບວນການພັດທະນາ ERIA, ແລະ ERIA ຫວັງສືບຕໍ່ເພີ່ມທະວີການຮ່ວມມືໃນຂົງເຂດເສດຖະກິດການຄ້າ, ພະລັງງານແລະອື່ນໆ, ລວມທັງຊຸກຍູ້ການຮ່ວມມືເສດຖະກິດອາຊີຕາເວັນອອກກັບຈີນຕື່ມອີກ.