ຫ້ອງການວຽກງານການຕ່າງປະເທດແລະຈີນຕ່າງດ້າວຂອງອົງການປົກຄອງກິ່ງແຂວງນູ້ຈ່ຽງແຂວງຢຸນນານ ສປ ຈີນເປີດເຜີຍໃນວັນທີ 30 ສິງຫານີ້ວ່າ, ຫຼັງໃຊ້ເວລາ 10 ເດືອນ, ໂຮງໝໍມິດຕະພາບນ້ອຍທີ່ຕັ້ງຢູ່ບ້ານກັ່ງຝັງເຂດພ້ຽນມາເມືອງລູສຸຍກິ່ງແຂວງນູ້ຈ່ຽງກໍໄດ້ສ້າງສຳເລັດ, ເຊິ່ງຈະສ້າງຜົນປະໂຫຍດໃຫ້ແກ່ຊາວບ້ານປະມານໝື່ນຄົນທີ່ອາໄສຢູ່ຊາຍແດນລະຫວ່າງຈີນ- ມຽນມາ.
ບ້ານກັ່ງຝັງມີ104ຄອບຄົວແລະມີພົນລະເມືອງ 372 ຄົນ, ໂດຍທິດໃຕ້, ຕາເວັນຕົກແລະທິດເໜືອຕິດກັບມຽນມາ, ແມ່ນບ້ານທີ່ມີຊາວຈີນຕ່າງດ້າວກັບຄືນປະເທດອາໄສສູ່ຫຼາຍທີ່ສຸດໃນກິ່ງແຂວງນູ້ຈ່ຽງ. ເນື່ອງຈາກເປັນເຂດຫ່າງໄກສອກຫຼີກ, ການໄປຫາໝໍແລະປິ່ນປົວບໍ່ສະດວກ, ຂະນະດຽວກັນປະຊາຊົນມຽນມາທີ່ອາໄສຢູ່ຊາຍແດນກໍຜະເຊີນບັນຫານີ້ເຊັ່ນດຽວກັນ.
ເລຂາທິການຄະນະກຳມະການສັນຕິພາບແລະການພັດທະນາທ່ຽນໝໍລັດຄະຊິນປະເທດມຽນມາກ່າວໃນພິທີດັ່ງກ່າວວ່າ, "ມີໂຮງໝໍມິດຕະພາບນ້ອຍນີ້, ພວກເຮົາກໍສາມາດໄປຫາໝໍໄດ້ຢ່າງສະດວກ, ແລະສະແດງຄວາມຂອບໃຈຈີນເປັນຢ່າງຍິ່ງ".