ແຫຼ່ງຂ່າວຈາກໜັງສືພິມໂລກລາຍວັນຂອງອິນໂດເນເຊຍໃຫ້ຮູ້ວ່າ: ທ່ານແອລັງກາ ຮາຕາໂຕ ລັດຖະມົນຕີກະຊວງອຸດສາຫະກຳປະເທດຕົນ ກ່າວເມື່ອບໍ່ດົນມານີ້ວ່າ: ລັດຖະບານກຳລັງຊຸກຍູ້ແຜນການພັດທະນາລົດພະລັງງານໄຟຟ້າ, ຂະນະທີ່ໜ່ວຍງານທີ່ກ່ຽວຂ້ອງກໍໄດ້ຍື່ນແຜນການພັດທະນາລົດພະລັງງານໃໝ່ໃຫ້ທ່ານປະທານາທິບໍດີໂຈໂຄ ວິໂດໂດ ແລະ ທ່ານກໍໄດ້ເຫັນດີທັງລົງນາມແລ້ວ ໂດຍເປົ້າໝາຍສູ້ຊົນ ກໍຄື ເຮັດໃຫ້ປະລິມານການຜະລິດລົດພະລັງງານໄຟຟ້າກວມຍອດການຜະລິດລົດຢ່າງໜ້ອຍ 20% ເມື່ອຮອດປີ 2025.
ທ່ານຮາຕາໂຕ ກ່າວຕື່ມວ່າ: ເພື່ອຮັບປະກັນໃຫ້ແຜນການດັ່ງກ່າວປາກົດຜົນເປັນຈິງ, ລັດຖະບານຈະນຳໃຊ້ມາດຕະການສົ່ງເສີມຫຼາຍຢ່າງ ລວມທັງປັບຫຼຸດພາສີ ເປັນຕົ້ນ ອັດຕາເສຍພາສີຂອງເຄື່ອງອາໄຫຼ່ລົດພະລັງງານໄຟຟ້າ 5%, ຂະນະທີ່ອັດຕາເສຍພາສີຂອງລົດປະເພດທົ່ວໄປ ໂດຍສະເພາະລົດປະເພດຫຼູຫຼາພັດສູງເຖິງ 50%.
