ຕອນຮຸ່ງເຊົ້າວັນທີ 1 ກັນຍານີ້, ຢູ່ເຂດທະເລໃກ້ແຂວງຊຸມາຕຣາຕາເວັນຕົກອິນໂດເນເຊຍ ໄດ້ເກີດແຜ່ນດິນໄຫວລະດັບ 6,2 ລິກເຕີ ແລະມາເຖິງປັດຈຸບັນ, ຍັງບໍ່ມີລາຍງານການເສຍຊີວິດ ຫຼື ບາດເຈັບ ລວມທັງຄວາມເສຍຫາຍທາງຊັບສິນເທື່ອ.
ທັງນີ້, ແຫຼ່ງຂ່າວຈາກເວັບໄຊອົງການອຸຕຸນິຍົມ, ດິນຟ້າອາກາດ ແລະ ຟິຊິກໂລກ ປະເທດອິນໂດເນເຊຍ ໃຫ້ຮູ້ວ່າ: ແຜ່ນດິນໄຫວທີ່ເກີດຂຶ້ນໃນເວລາ 24:06 ໂມງຕາມເວລາຈາກາຕານັ້ນມີຈຸດສູນກາງຢູ່ເຂດທະເລຫ່າງຈາກເມືອງໝູ່ເກາະເມນຕາເວ ແຂວງຊຸມາຕຣາຕາເວັນຕົກໄປທາງຕາເວັນອອກສຽງເໜືອ 80 ກິໂລແມັດ, ຫ່າງຈາກເມືອງປາດາງ ເທດສະບານແຂວງຊຸມາຕຣາຕາເວັນຕົກປະມານ 77,8 ກິໂລແມັດ ແລະເລິກລົງໃຕ້ດິນ 10 ກິໂລແມັດ. ຂະນະທີ່ອົງການຕິດຕາມແຜ່ນດິນໄຫວອິນໂດເນເຊຍ ບໍ່ໄດ້ແຈ້ງເຕືອນໄພສຶນາມິຈາກແຜ່ນດິນໄຫວເທື່ອນີ້.
ສ່ວນຜົນການວັດແທກແຜ່ນດິນໄຫວດັ່ງກ່າວຈາກອົງການສຳຫຼວດທໍລະນີສາດອາເມລິກາ ແມ່ນລະດັບ 6,3 ລິກເຕີ ແລະເລິກລົງໃຕ້ດິນ 45,1 ກິໂລແມັດ.
