ວັນທີ 1 ກັນຍານີ້, ໃນກອງປະຊຸມຂ່າວ, ທ່ານນາງຮ້ວາຊຸ່ນຢິງ ໂຄສົກກະຊວງການຕ່າງປະເທດຈີນກ່າວວ່າ, ຈີນຍິນດີສືບຕໍ່ໃຫ້ການສະໜັບສະໜູນແລະການຊ່ວຍເຫຼືອອັນຈຳເປັນແກ່ລັດຖະບານຟິລິບປິນ ໃນການຕ້ານການກໍ່ການຮ້າຍ, ເຊິ່ງລວມທັງຕັ້ງໜ້າເຂົ້າຮ່ວມວຽກງານຈັດສັນແລະສ້າງສາຄືນໃໝ່ຂອງມາລະວີຫຼັງສົງຄາມ.
ທ່ານນາງຮ້ວາຊຸ່ນຢິງຍັງກ່າວຕື່ມວ່າ, ການໂຈມຕີລັດທິກໍ່ການຮ້າຍແມ່ນໜ້າທີ່ຮັບຜິດຊອບຮ່ວມຂອງປະເທດຕ່າງໆ. ຈີນເຊື່ອໝັ້ນວ່າ, ລັດຖະບານຟິລິບປິນມີຄວາມສາມາດສິ້ນສຸດສົງຄາມຕ້ານການກໍ່ການຮ້າຍເທື່ອນີ້ໂດຍໄວ, ເພື່ອເຮັດໃຫ້ປະຊາຊົນຢູ່ມາລະວີແລະເຂດມິນດານາວ ຟືນຟູຊີວິດການເປັນຢູ່ທີ່ມີສັນຕິພາບແລະຄວາມສະຫງົບສຸກ. ຝ່າຍຈີນໄດ້ສະໜອງການຊ່ວຍເຫຼືອດ່ວນໃຫ້ແກ່ຟິລິບປິນເພື່ອຕ້ານການກໍ່ການຮ້າຍຢູ່ມາລະວີ. ຕໍ່ໄປ, ຈີນຍິນດີສືບຕໍ່ໃຫ້ການສະໜັບສະໜູນແລະການຊ່ວຍເຫຼືອທີ່ຈຳເປັນຕາມຄວາມຮຽກຮ້ອງຕ້ອງການຂອງຟິລິບປິນ ເຊິ່ງລວມທັງຕັ້ງໜ້າເຂົ້າຮ່ວມວຽກງານຈັດສັນແລະສ້າງສາຄືນໃໝ່ຂອງມາລະວີຫຼັງສົງຄາມ.
 |
