ວັນທີ 1 ກັນຍານີ້, ກອງປະຊຸມຄັ້ງທີ 29 ຂອງຄະນະປະຈຳສະພາປະຊາຊົນແຫ່ງຊາດຈີນສະໄໝທີ 12 ໄດ້ລົງຄະແນນສຽງຜ່ານຮັບຮອງ 《ກົດໝາຍວ່າດ້ວຍຄວາມປອດໄພດ້ານນິວເຄຼຍສາທາລະນະລັດປະຊາຊົນຈີນ》. ກົດໝາຍສະບັບນີ້ຈະເລີ່ມມີຜົນບັງຄັບໃຊ້ແຕ່ວັນທີ 1 ມັງກອນປີ 2018 ເປັນຕົ້ນໄປ, ຈະມີບົດບາດອັນສຳຄັນຕໍ່ການຊຸກຍູ້ການພັດທະນາພາລະກິດພະລັງງານນິວເຄຼຍ ແລະການຮັບປະກັນຄວາມປອດໄພດ້ານນິວເຄຼຍຂອງຈີນ.
ຄວາມປອດໄພດ້ານນິວເຄຼຍແມ່ນເນື້ອໃນສຳຄັນຂອງຄວາມໝັ້ນຄົງແຫ່ງຊາດ. ປັດຈຸບັນ, ຈີນແມ່ນປະເທດທີ່ນຳໃຊ້ພະລັງງານນິວເຄຼຍ, ເຕັກນິກນິວເຄຼຍຫຼາຍໃນໂລກ, ຂະໜາດສ້າງໜ່ວຍຈັກໄຟຟ້ານິວເຄຼຍເປັນອັນດັບໜຶ່ງໃນໂລກ, ສະນັ້ນ ຈີນມີໜ້າທີ່ໜັກທີ່ສຸດໃນການປ້ອງກັນຄວາມປອດໄພດ້ານນິວເຄຼຍ.
 |
