ສູນສື່ສານປະສານງານສຳລັບນັກທ່ອງທ່ຽວຈີນ ສະໜາມບິນສາກົນກົວລາລຳເປີ ປະເທດມາເລເຊຍ ໄດ້ເປີດນຳໃຊ້ຢ່າງເປັນທາງການແລ້ວໃນເມື່ອບໍ່ດົນມານີ້ ເຊິ່ງປະເທດດັ່ງກ່າວໄດ້ກາຍເປັນປະເທດທຳອິດທີ່ສ້າງຕັ້ງສູນສື່ສານປະສານງານສຳລັບນັກທ່ອງທ່ຽວຈີນໃນອາຊີຕາເວັນອອກສຽງໃຕ້.
ຂ່າວລາຍງານວ່າ: ປີ 2016, ນັກທ່ອງທ່ຽວຈີນໄປທ່ຽວມາເລເຊຍມີເກືອບ 2 ລ້ານ 2 ແສນເທື່ອຄົນ ແລະ ຄາດວ່າ ປີນີ້ຈະບັນລຸກວ່າ 3 ລ້ານເທື່ອຄົນ. ເນື່ອງຈາກການສື່ສານມີຄວາມຫຍຸ້ງຍາກທາງພາສາ, ບໍ່ຮູ້ກົດລະບຽບເຂົ້າເມືອງຢ່າງລະອຽດ ແລະສາເຫດອື່ນໆ ເຮັດໃຫ້ເກີດບັນຫາຂະນະຊາວຈີນຜ່ານດ່ານເຂົ້າມາເລເຊຍ. ສະນັ້ນ, ເພື່ອສະໜອງການຊ່ວຍເຫຼືອຢ່າງທັນການ ແລະມີປະສິດທິຜົນແກ່ນັກທ່ອງທ່ຽວຈີນຂະນະເກີດບັນຫາດັ່ງກ່າວ ຈຶ່ງໄດ້ສ້າງຕັ້ງສູນສື່ສານປະສານງານສຳລັບນັກທ່ອງທ່ຽວຈີນຢູ່ສະໜາມບິນສາກົນກົວລາລຳເປີ ແລະ ສະໜາມບິນສາກົນແຫ່ງທີ 2 ປະເທດມາເລເຊຍ ໃນວັນທີ 1 ກັນຍານີ້ ເພື່ອສ້າງຄວາມສະດວກໃຫ້ແກ່ການຜ່ານດ່ານຂອງນັກທ່ອງທ່ຽວຈີນ.