ໃນວັນທີ 3 ກັນຍານີ້, ໜັງສືພິມກຳປູເຈຍລາຍວັນ ໄດ້ປະກາດຢຸດພິມຈຳໜ່າຍນັບແຕ່ວັນທີ 4 ກັນຍານີ້ເປັນຕົ້ນໄປ ທັງຢືນຢັນວ່າ ບັນຊີຢູ່ທະນາຄານກໍຖືກງົດແລ້ວ.
ມື້ດຽວກັນ, ທ່ານຮຸນແຊນ ນາຍົກລັດຖະມົນຕີກຳປູເຈຍ ທີ່ເຂົ້າຮ່ວມກິດຈະກຳໜຶ່ງ ໄດ້ກ່າວວ່າ: ຍອດໜີ້ອາກອນຂອງໜັງສືພິມກຳປູເຈຍລາຍວັນສະບັບພາສາອັງກິດ ອາດຈະເກີນ 6 ລ້ານ 5 ແສນໂດລາສະຫະລັດ ເຊິ່ງເປັນໜີ້ພຽງແຕ່ປີ 2007-2016 ເທົ່ານັ້ນ, ແຕ່ຖ້ານັບແຕ່ປີ 1993 ແລ້ວ, ຍອດໜີ້ອາດຈະສູງກວ່ານີ້ອີກ.
ຫົວໜ້າອົງການສ່ວຍສາອາກອນແຫ່ງຊາດກຳປູເຈຍ ກ່າວວ່າ: ອົງການຕົນກຳນົດວັນທີ 4 ກັນຍານີ້ເປັນມື້ສຸດທ້າຍໃນການຊຳລະໜີ້ ຖ້າບໍ່ດັ່ງນັ້ນກໍຈະບັງຄົບໃຊ້ກົດໝາຍຕໍ່ໜັງສືພິມດັ່ງກ່າວ ແລະເຖິງວ່າໄດ້ຢຸດດຳເນີນທຸລະກິດແລ້ວກໍຕາມ, ກໍຕ້ອງຊຳລະໜີ້ອາກອນໃຫ້ໝົດ ຖ້າບໍ່ດັ່ງນັ້ນ, ຈະຫ້າມຜູ້ຮັບຜິດຊອບບໍ່ໃຫ້ອອກຈາກກຳປູເຈຍ.
