ເມື່ອບໍ່ດົນມານີ້, ຢູ່ສວນສັດປ່າແຂວງຢຸນນານ ສປ ຈີນ ສິງແມ່ໂຕໜຶ່ງໄດ້ເກີດລູກແຝດ , ແຕ່ເນື່ອງຈາກລູກສິງບໍ່ແຂງແຮງ ຈຶ່ງຖືກແມ່ສິງປະຖິ້ມ. ພະນັກງານສວນຈຳຕ້ອງເອົາລູກສິງສອງໂຕນັ້ນໄປໃຫ້ພະນັກງານສູນດູແລລູກສັດເພື່ອລ້ຽງດູແລຕະຫຼອດ 24 ຊົ່ວໂມງ ທັງສັງເກດເບິ່ງອາການຂອງຮ່າງກາຍ, ການກິນອາຫານ ແລະ ການເຄື່ອນໄຫວຂອງມັນຢູ່ທຸກເວລາ. ປັດຈຸບັນ, ພາຍຫຼັງໄດ້ຮັບການລ້ຽງດູແລຢ່າງພາກພຽນ, ລູກສິງສອງໂຕນີ້ກໍແຂງແຮງດີ, ທັງແລ່ນແລະຍ່າງຫຼິ້ນໄດ້ດີຂຶ້ນເປັນລຳດັບ.
