ຫວ່າງມໍ່ໆມານີ້, ທ່ານ ມະຕານ ວິວນາຍ ອະດີດເອກອັກຄະລັດຖະທູດອິສຣາແອນປະຈຳຈີນກ່າວໃນຂະນະໃຫ້ສຳພາດຕໍ່ນັກຂ່າວວ່າ: ຈີນມີແຜນຈະຈັດກອງປະຊຸມລະດັບເຈົ້າໜ້າທີ່ສັນຕິພາບລະຫວ່າງປາແລັສຕິນ-ອິສຣາແອນໃນປີນີ້ ເຊິ່ງນັບວ່າເປັນຜົນດີຕໍ່ການຫຼຸດຜ່ອນຄວາມຂັດແຍ້ງແລະຄວາມບໍ່ໄວ້ເນື້ອເຊື່ອໃຈກັນ ທັງເປັນການຊຸກຍູ້ຂະບວນການສັນຕິພາບລະຫວ່າງປາແລັສຕິນກັບອິສຣາແອນຕື່ມອີກ.
ທ່ານ ມະຕານ ວິນນາຍ ສະແດງຄວາມຊົມເຊີຍຕໍ່ແຜນການຈັດກອງປະຊຸມລະດັບເຈົ້າໜ້າທີ່ສັນຕິພາບລະຫວ່າງປາແລັສຕິນ-ອິສຣາແອນຂອງຈີນ ທັງໄດ້ກ່າວວ່າ: ຈີນເປັນເພື່ອນມິດຂອງປາແລັສຕິນແລະອິສຣາແອນ, ຂໍ້ລິເລີ່ມຈັດຕັ້ງກົນໄກສົນທະນາ 3 ຝ່າຍລະຫວ່າງຈີນ,ປາແລັສຕິນແລະອິສຣາແອນແລະມາດຕະການໃໝ່ເພື່ອຊຸກຍູ້ສັນຕິພາບອື່ນໆຂອງຈີນນັ້ນຈະເສີມຂະຫຍາຍບົດບາດທີ່ສຳຄັນໃນຂະບວນການສັນຕິພາບລະຫວ່າງປາແລັສຕິນກັບອິສຣາແອນ.
ທ່ານ ມະຕານ ວິນນາຍ ກ່າວຕື່ມວ່າ: ຂະບວນການສັນຕິພາບລະຫວ່າງປາແລັສຕິນກັບອິສຣາແອນຕ້ອງການມາດຕະການແລະທັດສະນະໃໝ່, ແລະຫວັງວ່າຈີນຈະສາມາດເສີມຂະຫຍາຍບົດບາດໃນຂະບວນການສັນຕິພາບລະຫວ່າງປາແລັສຕິນກັບອິສຣາແອນຢ່າງໃຫຍ່ຫຼວງແລະສຳຄັນກວ່າເກົ່າ.
 |
