ເຈົ້າໜ້າທີ່ກະຊວງຄົມມະນາຄົມໄທເປີດເຜີຍໃນກອງປະຊຸມສຳມະນາທີ່ຈັດຂຶ້ນຢູ່ເມືອງຊຽງໃໝ່ເມື່ອມໍ່ໆນີ້ວ່າ, ກະຊວງຕົນໄດ້ຮ່າງແຜນຍຸດທະສາດພັດທະນາລະບົບຄົມມະນາຄົມຂົນສົ່ງ 20 ປີ ເຊິ່ງຈະຫັນເອົາການຂົນສົ່ງສິນຄ້າທາງຫຼວງເປັນຫຼັກໃນປັດຈຸບັນ ມາສູ່ການຂົນສົ່ງສິນຄ້າທາງລົດໄຟເປັນຫຼັກ ເພື່ອຫຼຸດຕົ້ນທຶນການຂົນສົ່ງ ແລະຫຼຸດການລະບາຍມົນລະພິດ.
ເຈົ້າໜ້າທີ່ດັ່ງກ່າວໄດ້ແນະນຳສະພາບປັດຈຸບັນແລະແຜນພັດທະນາຄົມມະນາຄົມໄທໃນກອງປະຊຸມສຳມະນາສາກົນ "ໜຶ່ງແລວທາງໜຶ່ງເສັ້ນທາງກັບການຮ່ວມມືໃນອະນຸພາກພື້ນແມ່ນ້ຳຂອງ--ແລວທາງແມ່ນ້ຳລ້ານຊ້າງແມ່ນ້ຳຂອງ ແລະການພົ້ນເດັ່ນຂຶ້ນແບບສະຫຼາດ" ໂດຍກ່າວວ່າ, ຕົ້ນທຶນການຂົນສົ່ງສິນຄ້າທາງຫຼວງຢູ່ໃນລະດັບ 2,12 ບາດຕໍ່ໂຕນຕໍ່ 1 ກິໂລແມັດ, ສ່ວນທາງລົດໄຟມີພຽງແຕ່ 0,95 ບາດ. ຈາກນີ້ຈິ່ງກຽມຈະສ້າງທາງລົດໄຟລາງຄູ່ແລະຈຸດຂົນສົ່ງຮ່ວມໃຫ້ຫຼາຍກວ່າເກົ່າ ເພື່ອຍົກບໍລິມາດການຂົນສົ່ງສິນຄ້າທາງລົດໄຟ ແລະຫຼຸດຕົ້ນທຶນການຂົນສົ່ງໃຫ້ໜ້ອຍລົງ.