ທ່ານ ລຽວຕົງໄລ ລັດຖະມົນຕີກະຊວງຄົມມະນາຄົມມາເລເຊຍກ່າວຢູ່ນະຄອນຫຼວງກົວລາລຳເປີໃນວັນທີ 4 ກັນຍານີ້ວ່າ, ທ່າກຳປັ່ນອີກ 5 ແຫ່ງຂອງມາເລເຊຍແລະຈີນໄດ້ເຂົ້າຮ່ວມ "ສະຫະພັນທ່າກຳປັ່ນຈີນ-ມາເລເຊຍ".
ທ່ານຊີ້ໃຫ້ເຫັນວ່າ, ການທີ່ທ່າກຳປັ່ນຈິ່ງຖັງແລະທຽນສິນຂອງຈີນ, ທ່າກຳປັ່ນເກມາມັນ, ຊາບາແລະກູຈິງຂອງມາເລເຊຍ ໄດ້ເຂົ້າຮ່ວມສະຫະພັນດັ່ງກ່າວນັ້ນ ກໍເພື່ອເພີ່ມທະວີການຮ່ວມມືລະຫວ່າງທ່າກຳປັ່ນສອງປະເທດ ລວມທັງການຄົ້ນຄວ້າ, ການຍົກລະດັບ, ຝຶກງານ, ຊ່ວຍເຫຼືອເຕັກນິກ, ແລກປ່ຽນຂ່າວສານ, ພັດທະນາຄົມມະນາຄົມ ແລະເຜີຍແຜ່ການບໍລິການການຄ້າລະຫວ່າງທ່າກຳປັ່ນ.
ເດືອນພະຈິກປີ 2015, ກະຊວງຄົມມະນາຄົມຂົນສົ່ງຈີນແລະກະຊວງຄົມມະນາຄົມມາເລເຊຍ ໄດ້ລົງນາມໃນ "ບົດບັນທຶກຄວາມເຂົ້າໃຈວ່າດ້ວຍການສ້າງສາຍພົວພັນສະຫະພັນທ່າກຳປັ່ນ" ລະຫວ່າງສອງປະເທດຢູ່ມາເລເຊຍ. ຈາກນັ້ນ, ຫຼັງການຫາລື, ສອງກະຊວງດັ່ງກ່າວໄດ້ສ້າງຕັ້ງ "ສະຫະພັນທ່າກຳປັ່ນຈີນ-ມາເລເຊຍ" ຢ່າງເປັນທາງການ.