ຈີນໄດ້ເຜີຍແຜ່ "ບົດລາຍງານຕົວເລກດັດຊະນີການເຊື່ອມຈອດການຄ້າທາງທະເລເຂດອາຊີຕາເວັນອອກ 2017" ໃນວັນທີ 7 ກັນຍານີ້ຢູ່ເມືອງຊິ່ງຕາວ ໂດຍຊີ້ໃຫ້ເຫັນວ່າ: ໃນປີ 2016, ຈີນເຊື່ອມຈອດການຄ້າທາງທະເລກັບບັນດາປະເທດຢູ່ອາຊີຕາເວັນອອກແໜ້ນແຟ້ນທີ່ສຸດ ແລະ ໃນອາຊຽນກໍແມ່ນສິງກະໂປ .
ຂ່າວລາຍງານວ່າ: ເປົ້າໝາຍການສຳຫຼວດໃນບົດລາຍງານດັ່ງກ່າວຕົ້ນຕໍແມ່ນປະເທດຢູ່ອາຊີຕາເວັນອອກ ຄື ຈີນ, ຍີ່ປຸ່ນ, ສ.ເກົາຫຼີ ແລະ ອາຊຽນ ແລະຈາກນັ້ນຈຶ່ງໄດ້ຈັດລຳດັບດັ່ງນີ້ ຄື ຈີນ, ຍີ່ປຸ່ນ, ສິງກະໂປ, ໄທ, ສ.ເກົາຫຼີ, ມາເລເຊຍ, ຫວຽດນາມ, ອິນໂດເນເຊຍ, ຟິລິບປິນ, ກຳປູເຈຍ, ລາວ, ມຽນມາ ແລະ ບຣູໄນ.
ບົດລາຍງານຍັງຊີ້ໃຫ້ເຫັນວ່າ: ພາຍໃນອາຊຽນ, ການເຊື່ອມຈອດການຄ້າແໜ້ນແຟ້ນກວ່າໝູ່ແມ່ນ ມາເລເຊຍ-ສິງກະໂປ ແລະ ອິນໂດເນເຊຍ-ສິງກະໂປ.