ວັນທີ 7 ກັນຍານີ້, ວິທະຍາໄລສົງຮາບິນແຂວງເຮີຍລົງຈ່ຽງ ໄດ້ຈັດພິທີເປີດຮັບນັກສຶກສາສົງຢູ່ວັດຈີເລີ້ ເມືອງຮາບິນ ເຊິ່ງເປັນວັດທີ່ມີອິດທິພົນສູງຢູ່ພາກຕາເວັນອອກສຽງເໜືອຈີນ. ຫຼັງເປີດຮັບນັກສຶກສາສົງ 22 ອົງຈາກ 8 ແຂວງທົ່ວປະເທດຈະຮ່ຳຮຽນຢູ່ໃນວິທະຍາໄລສົງດັ່ງກ່າວເປັນເວລາ 2 ປີ. ກ່ອນໜ້ານີ້ 2 ປີ, ຂະນະທີ່ວິທະຍາໄລສົງຊັ້ນກາງໃນໝວດພາສາຈີນພຽງແຫ່ງດຽວຢູ່ພາກຕາເວັນອອກສຽງເໜືອຈີນສ້າງຕັ້ງຂຶ້ນແລະເລີ່ມເປີດການຮຽນການສອນນັ້ນ ກໍໄດ້ຮັບຄວາມສົນໃຈຈາກຜູ້ໃຊ້ອິນເຕີເນັດ ແລະ ສື່ມວນຊົນຢ່າງສູງ ເພາະການຂຽນຊື່ວິທະຍາໄລສົງໂດຍຫຍໍ້ດັ່ງກ່າວ ກົງກັບຊື່ຂອງມະຫາວິທະຍາໄລຮາ ເວີດ ທີ່ມີຊື່ສຽງຂອງອາເມລິກາ.
