ກອງປະຊຸມໂຄສະນາການທ່ອງທ່ຽວຈີນ(ກວາງຕຸ້ງ)-ອາຊຽນໄດ້ຈັດຂຶ້ນຢູ່ເມືອງກວາງໂຈ່ວແຂວງກວາງຕຸ້ງ ສປ ຈີນໃນຕອນບ່າຍວັນທີ 7 ກັນຍານີ້ ແລະໃນໂອກາດດັ່ງກ່າວກໍໄດ້ເຜີຍແຜ່ "ຖະແຫຼງການການທ່ອງທ່ຽວທີ່ມີຄຸນນະພາບຈີນ(ກວາງຕຸ້ງ)-ອາຊຽນ" ເພື່ອສົ່ງເສີມການຄຸ້ມຄອງຕະຫຼາດການທ່ອງທ່ຽວໃຫ້ເປັນລະບຽບຮຽບຮ້ອຍ ແລະຍົກຄຸນນະພາບການທ່ອງທ່ຽວໃຫ້ສູງຂຶ້ນ.
ຫຼັງກອງປະຊຸມ, 16 ວິສາຫະກິດຈາກບັນດາປະເທດອາຊຽນແລະແຂວງກວາງຕຸ້ງຈີນໄດ້ລົງນາມໃນຖະແຫຼງການສະບັບນີ້ ໂດຍໃຫ້ຄຳໝັ້ນສັນຍາວ່າຈະສະໜອງຜະລິດຕະພັນແລະການບໍລິການການທ່ອງທ່ຽວທີ່ມີຄຸນນະພາບສູງໃຫ້ແກ່ນັກທ່ອງທ່ຽວບັນດາປະເທດ, ແກ້ໄຂການກ່າວຟ້ອງຂອງນັກທ່ອງທ່ຽວຢ່າງຈິງໃຈ, ປົກປ້ອງຜົນປະໂຫຍດທີ່ຊອບດ້ວຍກົດໝາຍຂອງນັກທ່ອງທ່ຽວ; ຍົກສະຕິຄວາມປອດໄພດ້ານການທ່ອງທ່ຽວໃຫ້ສູງຂຶ້ນ ແລະຮັບປະກັນຄວາມປອດໄພໃຫ້ແກ່ນັກທ່ອງທ່ຽວຕ່າງປະເທດ; ຂະນະດຽວກັນ, ວິສາຫະກິດການທ່ອງທ່ຽວຕ່າງໆຄວນເຄົາລົບ, ຕິດຕາມເຊິ່ງກັນແລະກັນ ແລະສະກັດກັ້ນການແກ້ງແຍ້ງທີ່ບໍ່ຍຸຕິທຳ.
ນອກຈາກນີ້, ສູນຈີນ-ອາຊຽນຍັງໄດ້ເຜີຍແຜ່ "ເສັ້ນທາງທ່ອງທ່ຽວອາຊຽນ 50 ສາຍ" ສະບັບພາສາຈີນ.
 |
