ໃນໂອກາດກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 19 ຂອງພັກກອມມູນິດຈີນທີ່ຈະໄຂຂຶ້ນໃນໄວໆນີ້, ພັກ, ລັດແລະປະຊາຊົນຈີນສະແດງຄວາມຍິນດີຕ້ອນຮັບນັກຂ່າວທັງພາຍໃນແລະຕ່າງປະເທດເຂົ້າຮ່ວມລາຍງານຂ່າວກອງປະຊຸມທີ່ມີຄວາມໝາຍສຳຄັນດັ່ງກ່າວ.
ເພື່ອອຳນວຍຄວາມສະດວກໃຫ້ແກ່ນັກຂ່າວຕ່າງປະເທດ, ນັກຂ່າວຮົງກົງ, ມາເກົາແລະໄຕ້ຫວັນຈີນ, ກໍໄດ້ເປີດເວັບໄຊ http://cpc19reg.zgjx.cn ໃຫ້ນັກຂ່າວລົງທະບຽນແລະຍິນດີຮັບເອົາການລົງທະບຽນຂອງນັກຂ່າວຕ່າງປະເທດໃນເວັບໄຊດັ່ງກ່າວ ໂດຍເລີ່ມແຕ່ວັນທີ 8 ຫາວັນທີ 25 ກັນຍາປີນີ້.
ເພື່ອອຳນວຍຄວາມສະດວກໃຫ້ແກ່ນັກຂ່າວ, ຍັງໄດ້ຕັ້ງສູນຂ່າວກອງປະຊຸມຢູ່ນະຄອນຫຼວງປັກກິ່ງ ໂດຍສູນຂ່າວນີ້ຈະຮັບຜິດຊອບການຕ້ອນຮັບນັກຂ່າວຈີນແລະຕ່າງປະເທດ, ພິທີຖະແຫຼງຂ່າວ ແລະຕິດຕໍ່ຂໍ້ມູນແລະສຳພາດ. ຂະນະດຽວກັນກໍໄດ້ສ້າງຕັ້ງເວັບໄຊທາງການແລະເປີດ WE-CHAT ຂອງສູນຂ່າວ ເພື່ອບໍລິການຂໍ້ມູນແລະເຕັກນິກໃຫ້ແກ່ນັກຂ່າວ.