ຜູ້ຕາງໜ້າປະຊາຊົນຢູ່ບໍລິເວນໃກ້ຄຽງສະຖານທີ່ທີ່ລັດຖະບານສ ເກົາຫຼີຕິດຕັ້ງລະບົບຕ້ານຂີປະນາວຸດ "ທັດ" ພ້ອມດ້ວຍບຸກຄົນຮັກຫອມສັນຕິພາບຂອງປະເທດດັ່ງກ່າວໄດ້ຈັດການຖະແຫຼງຂ່າວໃນວັນທີ 8 ກັນຍານີ້ຢູ່ຕໍ່ໜ້າຊົນວາເດ ທຳນຽບປະທານາທິບໍດີເພື່ອປະທ້ວງລັດຖະບານທີ່ຕິດຕັ້ງລະບົບ"ທັດ"ໂດຍບໍ່ຫົວຊາການປະທ້ວງຂອງປະຊາຊົນທ້ອງຖິ່ນດັ່ງກ່າວ ທັງຕຳໜິຕິຕຽນລັດຖະບານທ່ານມຸນເຈອິນ ເສຍສັດທາຈາກຜູ້ສະໜັບສະໜູນ.
ຜູ້ຕາງໜ້າປະຊາຊົນສ ເກົາຫຼີຈຳນວນໜຶ່ງຢືນຢັນໃນການຖະແຫຼງຂ່າວວ່າ: ທ່ານມຸນເຈອິນໄດ້ໃຫ້ສັນຍາໃນເວລາຫາສຽງໃນການແຂ່ງຂັນເລືອກຕັ້ງປະທານາທິບໍດີວ່າ ຈະພິຈາລະນາຄືນໃໝ່ຕໍ່ນະໂຍບາຍຕິດຕັ້ງລະບົບ"ທັດ" ແລະຫຼັງຕົນຂຶ້ນດຳລົງຕຳແໜ່ງປະທານາທິບໍດີບໍ່ດົນກໍໄດ້ເລັ່ງໃຫ້ສືບສວນການກະທຳຜິດກົດໝາຍໃນຂະບວນການສ້າງນະໂຍບາຍຕິດຕັ້ງລະບົບ"ທັດ" ໂດຍເນັ້ນວ່າ ການຕິດຕັ້ງລະບົບ"ທັດ"ຕ້ອງສຳເລັດຂັ້ນຄອນອັນຈຳເປັນ,ແຕ່ປັດຈຸບັນພັດໄດ້ອອກຄຳສັ່ງຕິດຕັ້ງລະບົບດັ່ງກ່າວໂດຍບໍ່ໄດ້ຫາລືກັບມວນຊົນແລະລັດຖະສະພາ.
ຕອນເຊົ້າວັນທີ 7 ກັນຍານີ້, ທະຫານອາເມລິກາແລະສ ເກົາຫຼີໄດ້ຂົນສົ່ງລົດຍິງຂີປະນາວຸດ 4 ຄັນສຸດທ້າຍພ້ອມອຸປະກອນກ່ຽວຂ້ອງໄປຖານ"ທັດ"ຂອງກອງທະຫານອາເມລິກາປະຈຳເມືອງຊົງຈູແຂວງກຽງຊາງບຸກ ສ ເກົາຫຼີ ຖືວ່າສອງປະເທດດັ່ງກ່າວໄດ້ສຳເລັດການຕິດຕັ້ງລະບົບ"ທັດ"ຢູ່ສ ເກົາຫຼີເປັນການຊົ່ວຄາວ.