ເມື່ອມໍ່ໆນີ້, ລົມພະຍຸ "ຮາວີ" ແລະ "ເອຍມາ"ໄດ້ສ້າງຜົນເສຍຫາຍຢ່າງໃຫຍ່ຫຼວງຢູ່ທະວີບອາເມລິກາເໜືອ ຂະນະທີ່ອົງການອຸຕິນິຍົມໂລກໄດ້ອອກຖະແຫຼງການວ່າ: ໂລກຮ້ອນຂຶ້ນອາດຈະເຮັດໃຫ້ເກີດມີລົມພະຍຸຫຼາຍຂຶ້ນກວ່າເກົ່າ, ໃນນີ້ ລົມພະຍຸທີ່ຮຸນແຮງຄື ຮາວີ ນັ້ນຈະນັບມື້ມີຫຼາຍຂຶ້ນຕື່ມໃນສະຕະວັດນີ້.
ຖະແຫຼງການຍັງໄດ້ອ້າງຕາມບົດລາຍງານປະເມີນເທື່ອທີ 5 ຂອງຄະນະກຳມະການການປ່ຽນແປງຂອງດິນຟ້າອາກາດລະຫວ່າງລັດຖະບານອົງການສະຫະປປະຊາຊາດວ່າ: ສາມາດຢືນຢັນໄດ້ໂດຍພື້ນຖານແລ້ວວ່າ: ການເຄື່ອນໄຫວຂອງມະນຸດໄດ້ສ້າງຜົນກະທົບຕໍ່ປະລິມານອ້າຍນ້ຳໃນບັນຍາກາດໃກ້ໜ້ວຍໂລກ ແລະຜົນການຄົ້ນຄວ້າສະແດງໃຫ້ເຫັນວ່າ ການເຄື່ອນໄຫວຂອງມະນຸດໄດ້ເຮັດໃຫ້ອຸນຫະພູມຂອງໜ້ານ້ຳທະເລອ່າວແມັກຊິກສູງຂຶ້ນຢ່າງພົ້ນເດັ່ນໃນໜຶ່ງສະຕະວັດກວ່າມານີ້ໂດຍເຫັນໄດ້ຈາກລະຫວ່າງປີ 1873 ຫາປີ 2005, ອຸນຫະພູມດັ່ງກ່າວໄດ້ເພີ່ມຂຶ້ນເປັນປະຈຳ.
ຫຸ່ນຈຳລອງດິນຟ້າອາກາດສະແດງໃຫ້ເຫັນວ່າ ໃນອາກາດອຸ່ນມີຄວາມອາດເປັນໄປໄດ້ຫຼາຍກວ່າທີ່ຈະເກີດລົມພະຍຸຮຸນແຮງກວ່າ. ໃນສະຕະວັດນີ້, ເຖິງວ່າຍອດຈຳນວນລົມພະຍຸເຂດຮ້ອນບໍ່ໄດ້ເພີ່ມຂຶ້ນຈົນກະທັ້ງຫຼຸດໜ້ອຍລົງກໍຕາມ, ແຕ່ລົມພະຍຸຮຸນແຮງຄືຮາວີນັ້ນກໍອາດຈະເກີດຂຶ້ນຫຼາຍກວ່າເກົ່າ.