ຕອນຄ່ຳວັນທີ 7 ກັນຍານີ້, ແມັກຊິກໄດ້ເກີດແຜ່ນດິນໄຫວຮຸນແຮງລະດັບ 8,2 ຣິກເຕີ. ຕອນບ່າຍວັນທີ 8 ກັນຍານີ້, ຜູ້ຮັບຜິດຊອບອົງການປ້ອງກັນພົນລະເຮືອນກະຊວງພາຍໃນແມັກຊິກເປີດເຜີຍວ່າ, ບົດລາຍງານຄະນະກຳມະການຮັບມືກັບສະພາບສຸກເສີນທົ່ວປະເທດແມັກຊິກແຈ້ງໃຫ້ຮູ້ວ່າ, ແຜ່ນດິນໄຫວແມັກຊິກໄດ້ເຮັດໃຫ້ 58 ຄົນເສຍຊີວິດ.
ລັດວາຮາກາ ພາກໃຕ້ແມັດຊິກແມ່ນລັດທີ່ປະສົບໄພໜັກໜ່ວງທີ່ສຸດ, ຈຳນວນຜູ້ເສຍຊີວິດໃນລັດດັ່ງກ່າວເພີ່ມຂຶ້ນເປັນ 45 ຄົນ. ນອກນີ້, ລັດຊາປັສ ແລະ ລັດດາປາສໂກຕ່າງກໍມີ 10 ຄົນ ແລະ 3 ຄົນເສຍຊີວິດ. ຂ່າວແຈ້ງຕື່ມວ່າ, ທ່ານເອນຣີຄິວ ເປເນຍ ເນໂດ ປະທານາທິບໍດີແມັກຊິກໄດ້ເດີນທາງໄປເຂດປະສົບໄພໜັກໜ່ວງທີ່ສຸດຂອງລັດຊາປັສ ເພື່ອສຳຫຼວດສະພາບໄພພິບັດ.