ວັນທີ 8 ກັນຍານີ້, ກອງປະຊຸມ ສຳມະນາບຣິກສ໌ທີີ່ຈັດຂຶ້ນໂດຍສະຖານທູດຈີນປະຈຳແບນຊິກໄດ້ຈັດຂຶ້ນຢູ່ນະຄອນຫຼວງບຣຸກແຊນ ປະເທດແບນຊິກ. ຜູ້ຊ່ຽວຊານ ທີ່ມາຈາກ 5 ປະເທດບຣິກສ໌, ເຈົ້າໜ້າທີ່ແບນຊິກ ແລະ ຜູ້ຊ່ຽວຊານຫົວກະທິປັນ​ຍາ​ສະ​ຫະ​ພາບ​ເອີ​ລົບ​ພ້ອມ​ກັນ​ຫາ​ລື​​ບັນຫາ​ຕ່າງໆ ເຊັ່ນ, ບົດບາດຂອງປະເທດບຣິກສ໌ໃນໂລກ, ເຮັດແນວໃດເພື່ອເພີ່ມທະວີການຮ່ວມມືລະຫວ່າງປະເທດບຣິກສ໌ກັບເອີລົບເປັນຕົ້ນ. ຜູ້ຮ່ວມກອງປະຊຸມສຳມະນາເຫັນວ່າ, ກອງປະຊຸມສຸດຍອດເຊ້ຍເໝີນກຸ່ມບຣິກສ໌ມີຄວາມໝາຍສຳຄັນ, ໃນ 10 ປີຕໍ່ໜ້າ, ປະເທດບຣິກສ໌ຈະສືບຕໍ່ປະກອບສ່ວນເຂົ້າໃນການພັດທະນາເສດຖະກິດໂລກ ແລະ ການຮັກສາສະເຖຍລະພາບຂອງໂລກ.