ວັນທີ 9 ກັນຍານີ້, ທ່ານອາລີ ອາຄາບາ ຊາເລຮິ ຮອງປະທານາທິບໍດີ ປະທານອົງການປະລາມານູສາກົນອີຮານໄດ້ກ່າວວ່າ, ເຖິງວ່າອາເມລິກາຖອນອອກກໍຕາມ, ຂໍແຕ່ວ່າຝ່າຍອື່ນໆທີ່ກ່ຽວຂ້ອງຍຶດໝັ້ນຄືເກົ່າ, ອີຣານກໍ່ຈະສືບຕໍ່ປະຕິບັດຕາມສັນຍາຮອບດ້ານກ່ຽວກັບນິວເຄຼຍອີຣານ.
ທ່ານຊາເລຮິຍັງກ່າວວ່າ, ການຂວ້ຳຍາດຂອງອາເມລິກາ ຢາກເຮັດໃຫ້ສິ່ງແວດລ້ອມການທຸລະກິດຂອງອີຣານຊຸດຮ້າຍລົງ, ສະກັດກັ້ນບໍ່ໃຫ້ວິສາຫະກິດໃຫຍ່ແລະທະນາຄານຮ່ວມມືກັບອີຣານ.
ຫຼັງຈາກທ່ານໂດນັນ ທຣຳ ປະທານາທິບໍດີອາເມລິກາຂຶ້ນຮັບຕຳແໜ່ງແລ້ວ ບໍ່ພຽງແຕ່ບໍ່ໄດ້ຍົກເລີກການຂວ້ຳບາດທາງການທະນາຄານຕໍ່ອີຣານເທົ່ານັ້ນ, ຫາກຍັງອອກມາດຕະການຂວ້ຳບາດຫຼາຍຂຶ້ນຕື່ມອີກດ້ວຍ. ທ່ານທຣຳຍັງເຄີຍຢາກປະກາດຖອນອອກຈາກສັນຍາຮອບດານກ່ຽວກັບບັນຫານິວເຄຼຍອີຣານ, ບໍລິສັດຕາເວັນຕົກຫຼາຍແຫ່ງທີ່ຢາກມາລົງທຶນຢູ່ອີຣານຈຶ່ງບໍ່ກ້າມາຕາມແຜນ, ນີ້ເຮັດໃຫ້ສັນຍານິວເຄຼຍອີຮານຂາດບົດບາດຊຸກຍູ້ຕໍ່ເສດຖະກິດອີຣານ.
ວັນທີ 15 ສິງຫາຜ່ານມາ, ທ່ານຮາເຊັນ ຣູຮານິ ປະທານາທິບໍດີອີຣານໄດ້ກ່າວທາງອ້ອມວ່າ, ຖ້າວ່າອາເມລິກາສືບຕໍ່ອອກມາດຕະການຂວ້ຳບາດຕໍ່ອີຣານ, ອີຣານອາດຈະຖອນອອກຈາກສັນຍາຮອບດ້ານກ່ຽວກັບບັນຫານິວເຄຼຍອີຣານ.