ຄະ​ນະ​ທູດ​ຈີ​ນ​ປະ​ຈຳ​ສະ​ຫະ​ພາບ​ເອີ​ລົບຈັດ​ກິ​ດ​ຈະ​ກຳ "ວັນ​ເປີດ​ປະ​ຕູ​ຈີນ"
2017-09-10 15:35:03  cri 
ຄະ​ນະ​ທູດ​ຈີນ​ປະ​ຈຳ​ສະ​ຫະ​ພາບ​ເອີ​ລົບ​ໄດ້​ຈັດ​ກິດ​ຈະ​ກຳ "ວັນ​ເປີດ​ປະ​ຕູ​ຈີນ" ​ຊົມ​ໃນ​ວັນ​ທີ 9 ກັນ​ຍາ​ນີ້, ການ​ສະ​ແດງ​ສິ​ລະ​ປະວັນ​ນະ​ຄະ​ດີ​ທີ່​ໜ້າ​ຊົມແລະ​ການ​ສຳ​ຜັດ​ດ້ານ​ວັດ​ທະ​ນະ​ທຳ​ທີ່​ດີ​ເດັ່ນ, ເຮັດ​ໃຫ້​ປະ​ຊາ​ຊົນ​ເອີ​ລົບ​ໄດ້​ຮູ້​ຈັກ​ປະ​ເທດ​ຈີນ​ແລະ​ວັດ​ທະ​ນະ​ທຳ​ຈີນ​ຢ່າງ​ໃກ້​ຊິດ.

ກິດ​ຈະ​ກຳ​ດັ່ງ​ກ່າວ​ໄດ້​ດຶງ​ດູດ​ຜູ້​ຊົມ​ວົງ​ການ​ຕ່າງໆ​ຂອງ​ເອີ​ລົບ​ຫຼາຍ​ກວ່າ 800 ຄົນ. ​ເຊິ່ງ​ບັນ​ດາຜູ້​ຊົມ​ໄດ້​ຊົມ​ການສະ​ແດງ​ເຊີດ​​ສິງ, ການ​ປ່ຽນ​ໜ້າ, ກາ​ຍະ​ສິນ, ການ​ສະ​ແດງປີ​ອາ​ໂນ​​ຂອງ​ເດັກ​​ນ້ອຍ, ການ​ເປົ່າ​ຂຸ່ຍ​ຂອງ​ເດັກ​ນ້ອຍ, ການ​ສະ​ແດງມວຍ​ໄທ​ເກັກ​ແລະ​ອື່ນໆ, ຂະ​ນະ​ທີ່​ໄດ້​ສຳ​ຜັດວິ​ທີ​ດື່ມ​ຊາ, ການ​ຂຽນ​ງາມ, ຝັງ​ເຂັມ​ແລະ​ໄດ້​ຊິມ​ອາ​ຫານ​ຈີນ.

ທ່ານນາງ​ຢາ​ງ​ຢ້ຽ​ນ​ຢີ, ຫົວ​ໜ້າ​ຄະ​ນະ​ທູດ​ຈີນ​ປະ​ຈຳ​ສະ​ຫະ​ພາບ​ເອີ​ລົບ​ກ່າວ​ວ່າ, "ກິດ​ຈະ​ກຳ​​ວັນ​ເປີດ​ປະ​ຕູ​ຈີນໄດ້​ເສີມ​ຂະ​ຫຍາຍ​ບົດ​ບາດ​ສຳ​ຄັນ​ໃນ​ການ​ເພີ່ມ​ຄວາມ​ໄວ້​ເນື້ອ​ເຊື່ອ​ໃຈ​ແລະ​ມິດ​ຕະ​ພາບລະ​ຫວ່າງ​ຈີນ​ກັບ​ເອີ​ລົບ, ໄດ້​ກາຍ​ເປັນ​ກິດ​ຈະ​ກຳ​ສຳ​ຄັນ​ທີ່​ມີ​ກຳ​ລັງ​ດຶງ​ດູດ​ທີ່​ສຸດ​ໃນ​ຂະ​ບວນ​ການ​ພົວ​ພັນ​ຄູ່​ຮ່ວມ​ຍຸດ​ທະ​ສາດລະ​ຫວ່າງ​ຈີນ​ກັບ​ສະ​ຫະ​ພາບ​ເອ​ລົບ"
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ