ກິດຈະກຳທ່ຽວອາຊຽນເພື່ອ"ໜຶ່ງແລວທາງໜຶ່ງເສັ້ນທາງ"ໄດ້ຈັດຂຶ້ນຢູ່ນະຄອນຫຼວງບາງກອກປະເທດໄທໃນວັນທີ 8 ກັນຍານີ້ໂດຍແຂກຖືກເຊີນຈາກຈີນ,ອິນໂດເນເຊຍ,ສິງກະໂປ,ໄທແລະອື່ນໆກວ່າ 100 ທ່ານເຂົ້າຮ່ວມ.
ຄະນະກຳມະການສົ່ງເສີມການຄ້າອາຊຽນບວກ 6 ຂອງໄທໃນຖານະເຈົ້າພາບໄດ້ ຢືນຢັນວ່າ ການຈັດກິດຈະກຳດັ່ງກ່າວກໍເພື່ອເປັນການຕອບຮັບຂໍໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ", ສົ່ງເສີມການແລກປ່ຽນຮ່ວມມືກັນລະຫວ່າງຈີນກັບປະເທດອາຊຽນທັງດ້ານເສດຖະກິດການຄ້າແລະ ວັດທະນະທຳສັງຄົມ, ຂະນະທີ່ໄທເປັນປະເທດທຳອິດຈັດກິດຈະກຳດັ່ງກ່າວ.
ທ່ານນິຄົມໄວຣັດພະນິດ ປະທານວຸດທິສະພາຊຸດທີ 24 ຂອງໄທໄດ້ກ່າວປາໄສໂດຍສະແດງຄວາມຊົມເຊີຍຕໍ່ການຈັດກິດຈະກຳວ່າ: ກິດຈະກຳ ນີ້ຕົ້ນຕໍຈະເນັ້ນການເບິ່ງແຍງລ້ຽງດູຄົນຊະລາ, ການປິ່ນປົວແລະ ອື່ນໆ, ຂະນະທີ່ລັດຖະບານໄທທຸກຊຸດລ້ວນແຕ່ສະໜັບສະໜູນການພັດທະນາຂະແໜງການເບິ່ງແຍງລ້ຽງດູຄົນຊະລາແລະການປິ່ນປົວເປັນຢ່າງຍິ່ງ ແລະຫວັງວ່າກິດຈະກຳດັ່ງກ່າວຈະເປັນປະໂຫຍດຕໍ່ການປະກອບສ່ວນສ້າງໄທໃຫ້ເປັນໃຈກາງແຫ່ງການປິ່ນປົວແລະລ້ຽງດູໄວຊະລາໃນພາກພື້ນໃນຕໍ່ໜ້າ.
ຂ່າວແຈ້ງວ່າ: ໃນຕໍ່ໜ້າ, ກິດຈະກຳທ່ຽວອາຊຽນເພື່ອ "ໜຶ່ງແລວທາງໜຶ່ງເສັ້ນທາງ"ຈະໄດ້ຈັດຂຶ້ນຢູ່ບັນດາປະເທດໃນອາຊຽນຕາມລຳດັບ ເຊິ່ງຕາມແຜນຄາດວ່າຈະຈັດຂຶ້ນຢູ່ອິນໂດເນເຊຍໃນປີໜ້າ.