ເວລາ 9 ໂມງຂອງວັນທີ 9 ກັນຍານີ້, ຢູ່ສະຖານີລົດໄຟຊີ່ຈ້ານເມືອງຮາບິນ ແຂວງເຮີຍລົງຈ່ຽງ ສປ ຈີນ, ທ້າວ ເສິນຕຸ່ງ ເຈົ້າບ່າວ ອາຍຸ 26 ປີໄດ້ຄວງແຂນເຈົ້າສາວຂຶ້ນ "ລົດວິວາ"ທີ່ບໍ່ແມ່ນລົດເກັງແຕ່ເປັນລົດໄຟຄວາມໄວສູງຖ້ຽວ D6907 "ເມືອງຮາບິນ-ເມືອງຕ້າຊິ້ງ"ໂດຍມີໝູ່ເພື່ອນຍາດພີ່ນ້ອງເກືອບ 100 ຄົນຮ່ວມສະແດງຄວາມຍິນດີ.
ທ້າວເສິນຕຸ່ງ ເຈົ້າບ່າວ ເປັນຊາວເມືອງຕ້າຊິ້ງ ແລະນາງມາຢຽນ ເຈົ້າສາວເປັນຊາວເມືອງຮາບິນໂດຍທັງສອງເປັນພະນັກງານບໍລິສັດທາງລົດໄຟຢູ່ສອງເມືອງດັ່ງກ່າວ. ດ້ວຍບຸບເພສັນນິວາດຄືທັງສອງໄດ້ພົບແລະມັກຮັກກັນຢູ່ເທິງຂະບວນລົດໄຟຄວາມໄວສູງຮາບິນ-ສີສີຮາເອີທີ່ຫາກໍເປີດບໍລິການໃໝ່ໆ.
ເຈົ້າບ່າວບອກນັກຂ່າວວ່າ: ທາງລົດໄຟຄວາມໄວສູງເປັນຂົວຮັກຂອງພວກເຮົາ.
