ງານວາງສະແດງ Internet of things ຫຼື IOT ໂລກປີ 2017 ທີ່ກະຊວງອຸດສາຫະກຳແລະເຕັກໂນໂລຊີຂໍ້ມູນຂ່າວສານ,ກະຊວງວິທະຍາສາດເຕັກໂນໂລຊີຈີນແລະອົງການປົກຄອງປະຊາຊົນແຂວງຈ່ຽງຊູ່ຮ່ວມກັນເປັນເຈົ້າພາບຮ່ວມໄດ້ໄຂຂຶ້ນຢູ່ເມືອງຫວູຊີ່ແຂວງຈ່ຽງຊູ່ ໂດຍພາຍໃນງານຈະຈັດກອງປະຊຸມສຸດຍອດຫວູຊີ່ IOT ໂລກ, ງານວາງສະແດງສິນຄ້າແລະນຳໃຊ້ IOT ແລະກິດຈະກຳຕ່າງໆ 8 ເທື່ອແລະເນັ້ນຫົວຂໍ້ "ໂລກແຫ່ງ IOT, ຮ່ວມກັນສ້າງອະນາຄົດ". ຂະນະດຽວກັນໃນງານດັ່ງກ່າວມີເນື້ອທີ່ວາງສະແດງເຖິງ 5 ໝື່ນຕາແມັດ ເຊິ່ງແບ່ງອອກເປັນຫຼາຍເຂດເປັນຕົ້ນເຂດວາງສະແດງອຸປະກອນແລະຊອຟແວ IOT, ເຂດວາງສະແດງຜົນສຳເລັດແຫ່ງການພັດທະນາ IOT, ການຜະລິດແບບສະມາດ,ຄົມມະນາຄົມແບບສະມາດ ແລະ ຊີວິດການເປັນຢູ່ແບບສະມາດ ໂດຍວິສາຫະກິດທີ່ມີຊື່ສຽງຈາກ 20 ກວ່າປະເທດແລະເຂດແຄວ້ນ 500 ກວ່າແຫ່ງເຂົ້າຮ່ວມ.
