ເຈົ້າໜ້າທີ່ຟີລິບປີນຊີ້ການເລັ່ງເຈລະຈາສັນຍາຄູ່ຮ່ວມເສດຖະກິດຮອບດ້ານໃນພາກພື້ນຫຼືRCEP ມີຄວາມສຳຄັນທີ່ສຸດ

ໃນໂອກາດເຂົ້າຮ່ວມກອງປະຊຸມລັດຖະມົນຕີເສດຖະກິດອາຊຽນທີ່ຈັດຂຶ້ນຢູ່ນະຄອນຫຼວງມະນີລາປະເທດຟີລິບປີນໃນວັນທີ 10 ກັນຍານີ້, ທ່ານເຊເຟຣິໂນ ຣຸດົຟ ຮອງລັດຖະມົນຕີກະຊວງອຸດສາຫະກຳການຄ້າຟີລິບປີນກ່າວວ່າ, ຈາກສະພາບເສດຖະກິດໂລກເຕີບໂຕຊ້າລົງແລະລັດທິປົກປ້ອງກໍ່ຮ່າງຂຶ້ນນັ້ນ, ການເລັ່ງເຈລະຈາ RCEP ແລະເຮັດໃຫ້ສາມາດເສີມຂະຫຍາຍບົດບາດເປັນແບບຢ່າງດ້ານການລິເລີ່ມການຄ້າເສລີມີຄວາມສຳຄັນທີ່ສຸດ.

ໃນກອງປະຊຸມຂັ້ນລັດຖະມົນຕີຂອງ RCEP ທີ່ຈັດຂຶ້ນໃນວັນທີ 10 ກັນຍານີ້, ຜູ້ຕາງໜ້າຂອງບັນດາປະເທດທີ່ຮ່ວມກອງປະຊຸມໄດ້ປຶກສາຫາລື "ຫົວຂໍ້ທີ່ພົ້ນເດັ່ນສຳຄັນ" ໃນການເຈລະຈາກ່ຽວກັບ RCEP. ແລະຖ້າສາມາດບັນລຸ RCEP, ຈະສ້າງກຸ່ມການຄ້າທີ່ມີປະຊາກອນປະມານ 3 ຕື້ຄົນ, GDP ກໍຈະບັນລຸຫຼາຍກວ່າ 2 ໝື່ນ 1 ພັນຕື້ໂດລາແລະກວມຍອດການຄ້າປະມານ 30% ໃນໂລກ, ແລະກາຍເປັນຊ່ອງທາງທີ່ອາດເປັນໄປໄດ້ໃນການບັນລຸເຂດການຄ້າເສລີອາຊີປາຊີຟິກທີ່ໃຫຍ່ກວ່າເກົ່າ.