ຕາມຂ່າວ CRI: ງານວາງສະແດງຮູບຖ່າຍ "ຄວາມຝັນຢູ່ອັງກໍວັດ" ຂອງທ່ານເສີນລີເຊີງ ໄດ້ຈັດຂຶ້ນຢູ່ຫໍວິຈິດສິນສຳນັກພິມຈຳໜ່າຍວິຈິດສິນກວາງຊີຈີນໃນວັນທີ 10 ກັນຍານີ້, ໂດຍທ່ານເຈິ້ງລີ ກຳມະການປະຈຳສະພາປຶກສາການເມືອງປະຊາຊົນແຫ່ງຊາດຈີນ ຫົວໜ້າສະຖາບັນວິຈິດສິນກວາງຊີຈີນ, ທ່ານເຊ້ຍລິນ ປະທານສະມາຄົມວິຈິດສິນກວາງຊີແລະທ່ານອື່ນໆເຂົ້າຮ່ວມ.
ທ່ານເສີນລີເຊີງ ຮອງຫົວໜ້າຫໍພິພິທະພັນແຫ່ງຊາດຈີນກ່າວວ່າ, ການທີ່ຈັດງານວາງສະແດງເທື່ອນີ້ໃນໄລຍະຈັດງານວາງສະແດງສິນຄ້າຈີນ-ອາຊຽນຄັ້ງທີ 14, ກໍເພື່ອໃຫ້ຊາວຕ່າງປະເທດແລະປະຊາຊົນເຂດກວາງຊີທີ່ເຂົ້າຮ່ວມມາຊົມສິລະປະອັງກໍວັດລວມທັງຊອກຮູ້ວັດທະນະທຳແລະປະຫວັດສາດທີ່ອຸດົມສົມບູນຂອງອາຊຽນ, ຂະນະດຽວກັນກໍເພື່ອຄວາມໝາຍຂອງການແລກປ່ຽນແລະການຮ່ວມມືລະຫວ່າງຈີນກັບອາຊຽນ.
ງານວາງສະແດງເທື່ອນີ້ຈັດຂຶ້ນໂດຍການເປັນເຈົ້າພາບຮ່ວມຂອງສຳນັກພິມຈຳໜ່າຍວິຈິດສິນກວາງຊີແລະສະຖາບັນສິລະປະການຂຽນງາມແລະແຕ້ມຮູບແລະຈະດຳເນີນເປັນເວລາ 20 ວັນ.