ກອງປະຊຸມສະຖາບັນຂົງຈື້ອາຊີ "ໜຶ່ງແລວທາງໜຶ່ງເສັ້ນທາງ" ທີ່ຈັດໂດຍຫ້ອງການໜ່ວຍຊີ້ນຳເຜີຍແຜ່ພາສາຈີນສາກົນ ກໍຄືສຳນັກງານໃຫຍ່ຂົງຈື້ ແລະສະຖາບັນຂົງຈື້ມະຫາວິທະຍາໄລສ້າງຄູບ້ານສົມເດັດ ເຈົ້າພະຍາໄທເປັນຜູ້ຈັດຕັ້ງປະຕິບັດ ໄດ້ຈັດຂຶ້ນຢູ່ນະຄອນຫຼວງບາງກອກປະເທດໄທໃນວັນທີ 9 ກັນຍານີ້ ໂດຍມີຜູ້ແທນ 250 ກວ່າທ່ານຈາກສະຖາບັນຂົງຈື້ 77 ແຫ່ງໃນ 30 ປະເທດທີ່ລຽບຕາມ "ໜຶ່ງແລວທາງໜຶ່ງເສັ້ນທາງ", ໂຮງຮຽນຊັ້ນສູງຈີນທີ່ມີສ່ວນຮ່ວມມື, ນັກທຸລະກິດຈີນຢູ່ໄທເຂົ້າຮ່ວມ.
ຕະຫຼອດໄລຍະ 2 ວັນ, ກອງປະຊຸມໄດ້ເນັ້ນປຶກສາຫາລືຫົວຂໍ້ຕ່າງໆ ເຊັ່ນ: "ໜຶ່ງແລວທາງໜຶ່ງເສັ້ນທາງ" ກັບການພັດທະນາຂອງສະຖາບັນຂົງຈື້, ການສ້າງເນື້ອໃນແລະການພັດທະນາແບບເອກະລັກຂອງສະຖາບັນຂົງຈື້, ການສ້າງຖັນແຖວຄູອາຈານທ້ອງຖິ່ນ ແລະອື່ນໆ ເຊິ່ງກອງປະຊຸມໄດ້ເຊີນຊ່ຽວຊານທີ່ມີຊື່ສຽງຈາກຈີນ, ໄທ, ຕວກກີ, ປາກິສະຖານເປັນຕົ້ນຈັດກອງປະຊຸມເວທີປຶກສາຫາລືຊ່ຽວຊານ "ໜຶ່ງແລວທາງໜຶ່ງເສັ້ນທາງ" ຮ່ວມກັນຄົ້ນຄວ້າໂອກາດແລະສິ່ງທ້າທາຍຕໍ່ສະຖາບັນຂົງຈື້ທີ່ໄດ້ມາຈາກຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ເຊື່ອມຕໍ່ກັບຍຸດທະສາດການພັດທະນາຂອງບັນດາປະເທດ ເພື່ອໃຫ້ສະຖາບັນຂົງຈື້ປະກອບຄຳເຫັນຕໍ່ການພັດທະນາຂອງປະເທດເຫຼົ່ານີ້ໄດ້ດີກວ່າເກົ່າ.