ກອງປະຊຸມສຳມະນາລົບລ້າງພະຍາດໄຂ້ຍຸງຊາຍແດນຈີນ-ມຽນມາຄັ້ງທີ 3 ໄດ້ຈັດຂຶ້ນຢູ່ນະຄອນຫຼວງເນປີດໍປະເທດມຽນມາແຕ່ວັນທີ 6-8 ກັນຍານີ້ ໂດຍສອງຝ່າຍໄດ້ປັບປຸງແຜນການດັບສູນພະຍາດໄຂ້ຍຸງຢູ່ເຂດຊາຍແດນສອງປະເທດຕື່ມອີກ ແລະວາງແຜນການປະຕິບັດຕົວຈິງ.
ຮອງຫົວໜ້າກົມສາທາລະນະສຸກມຽນມາກ່າວໃນກອງປະຊຸມວ່າ, ຫວັງເພີ່ມທະວີການຮ່ວມມືກັບຈີນໃນການປ້ອງກັນແລະປິ່ນປົວຜູ້ຕິດພະຍາດໄຂ້ຍຸງຢູ່ເຂດຊາຍແດນຕື່ມອີກ.
ນອກນີ້, ຜູ້ຕາງໜ້າສອງປະເທດຍັງໄດ້ບັນລຸຄວາມເປັນເອກະພາບກັນ ໂດຍການປັບປຸງ "ແຜນການດັບສູນພະຍາດພະຍາດໄຂ້ຍຸງຢູ່ເຂດຊາຍແດນຈີນ-ມຽນມາແຕ່ສົກປີ 2016-2030" ທັງໄດ້ວາງ "ແຜນການດັບສູນພະຍາດໄຂ້ຍຸງຢູ່ເຂດຊາຍແດນຈີນ-ມຽນມາ ໃນສົກປີ 2018-2019".
ໃນກອງປະຊຸມດັ່ງກ່າວ, ຜູ້ຕາງໜ້າສະຖານທູດຈີນປະຈຳມຽນມາ, ກະຊວງສາທາລະນະສຸກແລະກິລາມຽນມາ, ຄະນະກຳມະການສາທາລະນະສຸກແລະວາງແຜນຄອບຄົວແຫ່ງລັດຈີນ ແລະອື່ນໆ ໄດ້ເຂົ້າຮ່ວມ.