ຮົງກົງຈີນແລະອາຊຽນສຳເລັດການເຈລະຈາການຄ້າເສລີ

    ພະແນກຖະແຫຼງຂ່າວອົງການປົກຄອງເຂດບໍລິຫານພິເສດຮົງກົງ ສປ ຈີນແຈ້ງໃຫ້ຊາບໃນວັນທີ 9 ກັນຍານີ້ວ່າ, ການເຈລະຈາສັນຍາການຄ້າເສລີແລະສັນຍາການລົງທຶນທີ່ກ່ຽວຂ້ອງກັບອາຊຽນໃນວັນທີ 9 ກັນຍານີ້ປະສົບຜົນສຳເລັດຢ່າງໜ້າເພິ່ງພໍໃຈ ໂດຍສອງຝ່າຍໄດ້ປະກາດຜົນດັ່ງກ່າວໃນກອງປະຊຸມລັດຖະມົນຕີເສດຖະກິດການຄ້າຮົງກົງຈີນ-ອາຊຽນຄັ້ງທີ 2.

    ເຈົ້າໜ້າທີ່ພະແນກຖະແຫຼງຂ່າວອົງການປົກຄອງຮົງກົງກ່າວວ່າ, ສັນຍາການຄ້າເສລີແລະສັນຍາການລົງທຶນ ຈະສ້າງງເງື່ອນໄຂໃຫ້ຮົງກົງເຂົ້າສູ່ຕະຫຼາດອາຊຽນໄດ້ຫຼາຍກວ່າເກົ່າແລະດີກວ່າເກົ່າ ທັງຈະສ້າງໂອກາດການຄ້າໃໝ່ໃຫ້ນັກທຸລະກິດ ທັງຈະຊ່ວຍເພີ່ມທະວີການແລກປ່ຽນລະຫວ່າງຮົງກົງກັບອາຊຽນໃນດ້ານການຄ້າແລະການລົງທຶນຕື່ມອີກ ແລ້ວສ້າງຜົນປະໂຫຍດໃຫ້ເສດຖະກິດຮົງກົງ.

    ການເຈລະຈາການຄ້າເສລີລະຫວ່າງຮົງກົງຈີນກັບອາຊຽນໄດ້ດຳເນີນແຕ່ເດືອນກໍລະກົດປີ 2014 ແລະຈະເຊັນສັນຍາໃນເດືອນພະຈິກປີນີ້ ທັງຈະມີຜົນບັງຄັບໃຊ້ຫຼັງສຳເລັດຂັ້ນຕອນທີ່ຈຳເປັນ.