ໜັງສືພິມເສດຖະກິດລາຍວັນຈີນລາຍງານຮູ້ວ່າ: ອາທິດຜ່ານມາ, ທ່ານ ຕາເຄຮີໂຄ ນາຄາໂອະ ຜູ້ອຳນວຍການທະນາຄານພັດທະນາອາຊີ(ADB)ໄດ້ຢ້ຽມຢາມເຂດປົກຄອງຕົນເອງເຜົ່າອຸຍເກີຊິ່ນຈ່ຽງຈີນ ແລະໄດ້ເຂົ້າຮ່ວມພິທີສ້າງຕັ້ງສະຖາບັນການຮ່ວມມືເສດຖະກິດພາກພື້ນອາຊີກາງທີ່ຈັດຂຶ້ນຢູ່ເມືອງອູຣຸມຊີເຂດດັ່ງກ່າວລວມທັງຕິດຕາມກວດກາໂຄງການປັບປຸງລະບົບຄົມມະນາຄົມແລະສິ່ງແວດລ້ອມເມືອງຖູຫຼູຟານ.
ນອກນີ້,ທ່ານ ຕາເຄຮີໂຄ ນາຄາໂອະ ຍັງໄດ້ຢ້ຽມຢາມປະຊາຊົນທີ່ໄດ້ຮັບຜົນປະໂຫຍດຈາກໂຄງການພັດທະນາການທ່ອງທ່ຽວວັດທະນະທຳເພດຍິງຊົນເຜົ່າສ່ວນໜ້ອຍຖູຫຼູຟານທີ່ເຊື່ອມເຂົ້າກັບໂຄງການປັບປຸງລະບົບຄົມມະນາຄົມແລະສິ່ງແວດລ້ອມຕົວເມືອງເຂດຊິ່ນຈ່ຽງທີ່ ADB ສະໜອງທຶນຕື່ມອີກ.
ຂ່າວແຈ້ງວ່າ: ປີ 2009, ADB ໄດ້ສະໜອງທຶນຊ່ວຍເຫຼືອທີ່ມີມູນຄ່າປະມານ 100 ລ້ານໂດລາສະຫະລັດໃຫ້ແກ່ໂຄງການດັ່ງກ່າວ ໂດຍເນັ້ນໃນການກໍ່ສ້າງແລະຍົກລະດັບຖະໜົນ,ຂົວ,ຫ້ອງນ້ຳສາທາລະນະແລະລະບົບອະນາໄມສິ່ງແວດລ້ອມອື່ນໆ ເພື່ອປັບປຸງສິ່ງແວດລ້ອມສາທາລະນະສຸກໃນຕົວເມືອງ, ສະຖານີແລະອຸປະກອນຄຸ້ມຄອງສິ່ງເສດເຫຼືອປະເພດແຂງໃຫ້ດີຂຶ້ນ.