ຫ້ອງການວຽກງານລັດເກດາປະເທດມາເລເຊຍເປີດເຜີຍໃນວັນທີ 11 ກັນຍານີ້ວ່າ, ທ່ານອາບດຸນ ຮາລິມ ມຸອາຈາມ ຊາ ອະດີດຜູ້ນຳສູງສຸດມາເລເຊຍ, ຊຸນຕານລັດເກດາໄດ້ເຖິງແກ່ກຳແລ້ວໃນຕອນບ່າຍມື້ດັ່ງກ່າວ, ລວມອາຍຸ 89 ປີ.
ທ່ານຮາລິມໄດ້ລາອອກຈາກຕຳແໜ່ງຜູ້ນຳສູງສຸດມາເລເຊຍຊຸດທີ 14 ໃນເດືອນທັນວາປີ 2016, ແລະເປັນພຽງຄົນດຽວຂອງມາເລເຊຍທີ່ໄດ້ດຳລົງຕຳແໜ່ງດັ່ງກ່າວສອງສະໄໝ.
ປີ 1974, ໃນໄລຍະທ່ານຮາລິມດຳລົງຕຳແໜ່ງເປັນຜູ້ນຳສູງສຸດມາເລເຊຍຊຸດທີ 5, ມາເລເຊຍແລະຈີນໄດ້ສ້າງສາຍພົວພັນທາງການທູດ, ປີ 2014 ໃນໂອກາດສະເຫຼີມສະຫຼອງວັນສ້າງສາຍພົວພັນທາງການທູດມາເລເຊຍ-ຈີນຄົບຮອບ 40 ປີ, ທ່ານໄດ້ເດີນທາງມາຢ້ຽມຢາມຈີນອີກເທື່ອໜຶ່ງ.
ຫຼັງທ່ານຮາລິມເຖິງແກ່ກຳແລ້ວ, ທ່ານນາຈິບ ນາຍົກລັດຖະມົນຕີມາເລເຊຍໄດ້ສະແດງຄວາມເສົ້າສະຫຼົດໃຈໂດຍຕາງໜ້າລັດຖະບານແລະໃນນາມສ່ວນຕົວກ່າວສະແດງຄວາມເສົ້າສະຫຼົດໃຈຢູ່ສື່ສັງຄົມອອນລາຍ. ທ່ານນາຈິບກ່າວວ່າ, ໃນໄລຍະທ່ານຮາລິມດຳລົງຕຳແໜ່ງເປັນຜູ້ນຳສູງສຸດແລະຊຸນຕານລັດເກດາ, ໄດ້ຮັບຄວາມເຄົາລົບນັບຖືຈາກປະຊາຊົນ, ທ່ານໃກ້ຊິດກັບປະຊາຊົນ, ມີຄວາມເມດຕາ, ແລະໄດ້ຮັບຄວາມນິຍົມຈາກປະຊາຊົນທີ່ສຸດ.
 |
