ລັດຖະມົນຕີເສດຖະກິດການຄ້າຂອງ 16 ປະເທດສະມາຊິກສັນຍາການພົວພັນຄູ່ຮ່ວມເສດຖະກິດຮອບດ້ານຢູ່ພາກພື້ນ ຫຼື RCEP ໄດ້ອອກຖະແຫຼງການຮ່ວມຜ່ານສື່ມວນຊົນວ່າ, ຈະຂຸ້ນຂ້ຽວເຮັດວຽກ ເພື່ອສິ້ນສຸດການເຈລະຈາໂດຍໄວ.
ໃນກອງປະຊຸມຂັ້ນລັດຖະມົນຕີຄັ້ງທີ 5 ຂອງ RCEP ທີ່ຈັດຂຶ້ນຢູ່ຟິລິບປິນໃນວັນທີ 10 ກັນຍານີ້, ບັນດາລັດຖະມົນຕີຂອງ 16 ປະເທດສະມາຊິກໄດ້ຢ້ຳເຖິງຖະແຫຼງການຮ່າໂນ້ຍ ຄື ພະຍາຍາມສຸດຂີດເພື່ອຊຸກຍູ້ RCEP ໃຫ້ໄດ້ຮັບໝາກຜົນທີ່ສຳຄັນກ່ອນທ້າຍປີນີ້ ເພື່ອເຮັດໃຫ້ການເຈລະຈາປະສົບຜົນສຳເລັດອີກກ້າວໜຶ່ງ.
ບັນດາລັດຖະມົນຕີເນັ້ນວ່າ, ປະເທດສະມາຊິກຄວນສືບຕໍ່ຕໍ່ລາຄາຢ່າງຕັ້ງໜ້າແລະສ້າງສັນ, ປັບປຸງເງື່ອນໄຂໃນການອະນຸມັດເຂົ້າຕະຫຼາດ, ເພີ່ມທະວີກົດລະບຽບທີ່ເຮັດໃຫ້ການຄ້າສະດວກກວ່າເກົ່າ ເພື່ອເສີມຂະຫຍາຍຄວາມສາມາດບົ່ມຊ້ອນອັນມະຫາສານຂອງ RCEP. ຂະນະດຽວກັນກໍໃຫ້ຄຳໝັ້ນສັນຍາວ່າ, ຝ່າຍທີ່ກ່ຽວພັນເຖິງຜົນປະໂຫຍດຂອງບັນດາປະເທດສະມາຊິກ ຈະເຂົ້າຮ່ວມການເຈລະຈາຢ່າງຕັ້ງໜ້າ ເພື່ອຮັບປະກັນເຮັດໃຫ້ຜົນການເຈລະຈາສ້າງຜົນປະໂຫຍດໃຫ້ແກ່ທຸກໆຝ່າຍ.