ຕາແສງລີຖາຍເມືອງຢາງກູແຂວງຊ່ານຕຸ່ງ ສປ ຈີນໄດ້ແຂ່ງຂັນການຊົນແກະຄັ້ງທີ 16 ໃນວັນທີ 12 ກັນຍານີ້ຢູ່ເດີ່ນວັດທະນະທຳບ້ານຊືລຽນເມືອງດັ່ງກ່າວໂດຍຊາວລ້ຽງແກະໄດ້ນຳເອົາແກະ 200 ກວ່າໂຕມາຮ່ວມແຂ່ງຂັນແລະມີຜູ້ຊົມເຖິງ 2000 ກວ່າຄົນ. ການແຂ່ງຂັນໄດ້ກຳນົດລາງວັນຕ່າງໆເຊັ່ນຊະນະເລີດ,ຮອງຊະນະເລີດແລະອື່ນໆຕາມລະດັບຂອງອາຍຸແກະ. ທັງນີ້ໃນປາງບຸນປະເພນີສຳຄັນແລະກິດຈະກຳສຳຄັນຂອງຊາດທຸກປີ, ເມືອງຢາງກູກໍຈະຈັດການແຂ່ງຂັນຊົນແກະຢ່າງຍິ່ງໃຫຍ່. ແນວໃດກໍດີ, ການແຂ່ງຂັນຊົນແກະບໍ່ພຽງແຕ່ສ້າງຄວາມມ່ວນຊື່ນເທົ່ານັ້ນ, ຍັງເປັນເວທີ ສຳລັບການແລກປ່ຽນ, ການວາງສະແດງແລະໂຄສະນາພັນແກະດີອີກດ້ວຍ ເຊິ່ງໄດ້ເຮັດໃຫ້ກະສິກອນຫ້າວຫັນລ້ຽງແກະຫຼາຍຂຶ້ນ ແລະຖືວ່າເປັນກິລາພື້ນເມືອງທີ່ໄດ້ຮັບຄວາມນິຍົມສູງຈາກປະຊາຊົນທ້ອງຖິ່ນດັ່ງກ່າວ.