ກະຊວງການຕ່າງປະເທດມຽນມາຖະແຫຼງໃນຕອນຄ່ຳວັນທີ 11 ກັນຍານີ້ວ່າ, ລັດຖະບານ ຈະຊ່ວຍເຫຼືອປະຊາຊົນທີ່ອົບພະຍົບເພື່ອໜີໄພຈາກການຕໍ່ສູ້ກໍ່ການຮ້າຍທັງໝົດເພື່ອສ່ອງແສງໃຫ້ເຫັນເຖິງນ້ຳໃຈມະນຸດສະທຳຂອງຕົນ.
ຖະແຫຼງການລະບຸວ່າ, ການໂຈມຕີແບບກໍ່ການຮ້າຍທີ່ເກີດຂຶ້ນຢູ່ລັດຍະໄຂ່ຫວ່າງມໍ່ໆນີ້ ເຮັດໃຫ້ປະຊາຊົນຫຼາຍກຸ່ມພັດພາກຈາກບ້ານເກີດເມືອງນອນ ແລະ ລັດຖະບານຕົນສະແດງຄວາມຊົມເຊີຍປະຊາຄົມໂລກທີ່ກ່າວປະນາມການໂຈມຕີແບບກໍ່ການຮ້າຍຢູ່ເຂດດັ່ງກ່າວ ພ້ອມທັງຮຽກຮ້ອງໃຫ້ປະຊາຄົມໂລກສະໜັບສະໜູນຄວາມພະຍາຍາມໃນການບັນລຸສະຖຽນລະພາບ, ສັນຕິພາບ ແລະການພັດທະນາຂອງລັດຍະໄຂ່.
ຄະນະກຳມະການຖະແຫຼງຂ່າວກະຊວງສຳນັກງານທີ່ປຶກສາແຫ່ງລັດມຽນມາອອກແຈ້ງການໃນວັນທີ 5 ກັນຍານີ້ວ່າ, ນັບແຕ່ເກີດການໂຈມຕີແບບກໍ່ການຮ້າຍເມື່ອຕອນຮຸ່ງເຊົ້າວັນທີ 25 ສິງຫາຜ່ານມາ, ຢູ່ລັດຍະໄຂ່ໄດ້ເກີດເຫດໂຈມຕີ 97 ເທື່ອ ສົ່ງຜົນເຮັດໃຫ້ຫຼາຍສິບຄົນເສຍຊີວິດ ແລະຫຼາຍກວ່າ 26.700 ຄົນພັດພາກຈາກບ້ານເກີດເມືອງນອນ.