ເວລາ 19 ໂມງຂອງວັນທີ 11 ກັນຍານີ້, ຢູ່ຂະບວນລົດໄຟຄວາມໄວສູງຖ້ຽວ D18ຈາກເມືອງເສິນຢາງຫານະຄອນຫຼວງປັກກິ່ງໄດ້ມີຜູ້ໂດຍສານຄົນໜຶ່ງໄດ້ຮັບບາດເຈັບຍ້ອນລົ້ມແລະສະຫຼົບຄາທີ່. ຈາກນັ້ນ, ຜູ້ໂດຍສານທີ່ເປັນພະນັກງານແພດຫຼາຍຄົນໄດ້ມາຫາຄົນເຈັບເພື່ອຊ່ວຍຊີວິດດ້ວຍການປັກເຂັມ.ຄວາມຈິງແລ້ວ,ຄະນະແພດດັ່ງກ່າວມາຈາກມະຫາວິທະຍາໄລການແພດຈີນລຽງນິງແລະຜູ້ທີ່ປັກເຂັມຊ່ວຍຊີວິດຄົນເຈັບນັ້ນຄືທ່ານສືຢຽນ ຮອງອະທິການບໍດີ ມະຫາວິທະຍາໄລດັ່ງກ່າວ. ຫຼັງໃຊ້ເວລາ 5 ນາທີ, ຄົນເຈັບໄດ້ຟື້ນ ແລະໄດ້ກ່າວສະແດງຄວາມຂອບໃຈນັກສຶກສາແລະຄູອາຈານທີ່ຊ່ວຍເຫຼືອຕົນດ້ວຍຄວາມນອບນ້ອມ.