ຫຼັງໄດ້ຮັບເອົາຂໍ້ສະເໜີຈາກຜູ້ໃຊ້ອິນເຕີເນັດແລ້ວ, ລະບົບບຼອກສັ້ນ ຫຼື MicroBlog ສື່ສັງຄົມອ໋ອນລາຍຂອງຈີນໄດ້ລຶບສະຕິກເກີຮູບສູບຢາທີ່ມີຄວາມໝາຍວ່າ cool ນັ້ນອອກຈາກບັນດາສະຕິກເກີທີ່ບໍລິສັດຕົນເປີດໃຫ້ໃຊ້ໂດຍບໍ່ເກັບຄ່າໃນຄອມສ່ວນບຸກຄົນຫຼືPCແລະappມືຖືສະບັບສາກົນ. ຕໍ່ກໍລະນີດັ່ງກ່າວ, ສະມາຄົມຄວບຄຸມປາສູບນະຄອນຫຼວງປັກກິ່ງໄດ້ສະແດງຄວາມຊົມເຊີຍໃນວັນທີ 13 ກັນຍາໂດຍຫວັງappມືຖືທີ່ໃຊ້ພາຍໃນປະເທດ ຈະຢຸດໃຊ້ສະຕິກເກີດັ່ງກ່າວໂດຍໄວເຊັ່ນກັນ ທັງໄດ້ສົ່ງໜັງສືໄປຫາບໍລິສັດTencentເພື່ອສະເໜີໃຫ້ໃຊ້ມາດຕະການເຊັ່ນກັນໃນWechat ແລະ QQ.
