ບໍລິສັດການບິນມາເລເຊຍເປີດເຜີຍໃນວັນທີ 13 ກັນຍານີ້ວ່າ, ໄດ້ເຊັນບົດບັນທຶກຄວາມເຂົ້າໃຈກັບບໍລິສັດໂບອິງຂອງອາເມລິກາວ່າດ້າວຍການຊື້ເຮືອບິນໂດຍສານໂບອິງ 16 ລຳ, ໃນນີ້ໂບອິງ 787 ມີ 8 ລຳ.
ບໍລິສັດການບິນມາເລເຊຍກ່າວວ່າ, ບົດບັນທຶກຄວາມເຂົ້າໃຈດັ່ງກ່າວໄດ້ລົງນາມຢູ່ນະຄອນຫຼວງວໍຊິງຕັນປະເທດອາເມເລິກາໂດຍທ່ານນາຈິບ ນາຍົກລັດຖະມົນຕີມາເລເຊຍເປັນສັກຂີພິຍານ.
ທ່ານປີເຕີ ເບເລວ ຫົວໜ້າຜູ້ອຳນວຍການບໍລິຫານງານຂອງບໍລິສັດການບິນມາເລເຊຍກ່າວວ່າ, ເຮືອບິນໂດຍສານໂບອິງ 787 ຈະເຮັດໃຫ້ບໍລິສັດຂອງຕົນມີຄວາມສາມາດປະຕິບັດໜ້າທີ່ການບິນຈາກກົວລາລຳເປີໄປປະເທດເອີລົບຫຼືອາເມລິກາໄດ້.
ປີ 2016, ບໍລິສັດການບິນມາເລເຊຍໄດ້ເຊັນສັນຍາຊື້ເຮືອບິນໂດຍສານໂບອິງ 50 ລຳ.
 |
