ການປະກວດທັກສະພາສາຈີນຊິງຂັນສົມເດັດພະເທບພະຣັດຣາຊະສຸດາສະຫຍາມບໍຣົມມະຣາຊະກຸມາລີຮອບຊິງຊະນະເລີດແລະພິທີມອບລາງວັນໂດຍມີບໍລິສັດອາເມລິກາໃຕ້ໄທຈຳກັດເປັນເຈົ້າພາບໄດ້ຈັດຂຶ້ນໃນວັນທີ 14 ກັນຍານີ້ຢູ່ນະຄອນຫຼວງບາງກອກ ໂດຍ ຮອງລັດຖະມົນຕີກະຊວງສຶກສາທິການໄທ, ເຈົ້າໜ້າທີ່ສະຖານທູດຈີນປະຈຳໄທພ້ອມດ້ວຍນັກຮຽນທີ່ເຂົ້າຮອບຊິງເຂົ້າຮ່ວມ. ຮອງລັດຖະມົນຕີກະຊວງສຶກສາທິການໄທກ່າວວ່າ: ມິດຕະພາບໄທ-ຈີນມີປະຫວັດມາຢ່າງຍາວນານ, ສາຍພົວພັນມິດຕະພາບນັບມື້ແໜ້ນແຟ້ນຍິ່ງຂຶ້ນ, ພາສາຈີນມີບົດບາດນັບມື້ສຳຄັນໃນການແລກປ່ຽນລະຫວ່າງສອງປະເທດ. ຈາກການທີ່ນັກຮຽນ ນັກສຶກສາແລະປະຊາຊົນໄທຮຽນພາສາຈີນເພີ່ມຫຼາຍຂຶ້ນນັ້ນກໍຈະເປັນສ່ວນສຳຄັນໃນການເຜີຍແຜ່ວັດທະນະທຳຈີນຢູ່ໄທໄດ້ຢ່າງກວ້າງຂວາງກວ່າເກົ່າແລະຊ່ວຍສົ່ງເສີມມິດຕະພາບທີ່ມີມູນເຊື້ອລະຫວ່າງສອງປະເທດແລະສົ່ງເສີມການໄປມາຫາສູ່ກັນລະຫວ່າງປະຊາຊົນສອງຊາດໄດ້ດີຂຶ້ນຕື່ມ.