ວັນທີ 14 ກັນຍານີ້, ເຈົ້າໜ້າທີ່ກະຊວງການເງິນອາເມລິກາໄດ້ປະກາດຂວ້ຳບາດ 4 ບໍລິສັດ ແລະເຈົ້າໜ້າທີ່ໄອທີ 7 ຄົນ ຫຼັງພົບວ່າໄດ້ສະໜັບສະໜູນແຜນການຂີປະນາວຸດຂອງອີຣານ ແລະໂຈມຕີລະບົບການທະນາຄານອາເມລິກາທາງອິນເຕີເນັດ ແລະອື່ນໆ.
ເຈົ້າໜ້າທີ່ກະຊວງການເງິນອາເມລິກາຖະແຫຼງໃນມື້ດັ່ງກ່າວວ່າ, ການຂວ້ຳບາດເທື່ອນີ້ໄດ້ກວມເອົາ 2 ບໍລິສັດຂອງອີຣານ, 2 ບໍລິສັດຂອງອູແກຣນ ແລະເຈົ້າໜ້າທີ່ໄອທີອີຣານ 7 ຄົນ ທີ່ສະໜອງວັດຖຸໃຫ້ແກ່ແຜນການຂີປະນາວຸດຂອງອີຣານ ຫຼື ຊ່ວຍອີຣານຂົນສົ່ງອາວຸດແລະນັກຕໍ່ສູ້ໄປຊີຣີ ຫຼືໂຈມຕີລະບົບການທະນາຄານອາເມລິກາທາງອິນເຕີເນັດ.
ມາດຕະການຂວ້ຳບາດດັ່ງກ່າວລະບຸວ່າ, ຊັບສິນຂອງບໍລິສັດແລະບຸກຄົນເຫຼົ່ານີ້ຢູ່ອາເມລິກາຈະອາຍັດໄວ້, ຂະນະດຽວກັນ ຊາວອາເມລິກາກໍຫ້າມບໍ່ໃຫ້ຄ້າຂາຍແລະໄປມາຫາສູ່ກັບເຂົາເຈົ້າ.
 |
