ອາເມລິກາວາງມາດຕະການຈຳກັດໃນການອອກວີຊາໃຫ້ພົນລະເມືອງກຳປູເຈຍແລະອີກ 3 ປະເທດ

ເຈົ້າໜ້າທີ່ກະຊວງຮັກສາຄວາມໝັ້ນຄົງດິນແດນແຫ່ງຊາດອາເມລິກາຖະແຫຼງໃນວັນທີ 13 ກັນຍານີ້ວ່າ, ເນື່ອງຈາກກຳປູເຈຍແລະອີກ 3 ປະເທດປະຕິເສດ ຫຼືແກ່ຍາວເວລາຮັບເອົາພົນລະເມືອງປະເທດຕົນທີ່ຖືກເນທະເທດອອກຈາກອາເມລິກາຢ່າງບໍ່ມີເຫດຜົນ, ຈິ່ງໄດ້ວາງມາດຕະການຈຳກັດການອອກວີຊາໃຫ້ພົນລະເມືອງ 4 ປະເທດໃນລະດັບຕ່າງກັນເລີ່ມມື້ນີ້ເປັນຕົ້ນໄປ ແລະຖ້າບໍ່ປັບປຸງ, ກໍອາດຈະເປີດກວ້າງຂອບເຂດຈຳກັດການອອກວີຊາຕື່ມອີກ.

ທັງນີ້ອີງຕາມການຕັດສິນຂອງສານສູງສຸດອາເມລິກາເມື່ອປີ 2001, ລັດຖະບານອາເມລິກາສາມາດກັກຊາວຕ່າງປະເທດທີ່ຖືກເນລະເທດອອກຈາກອາເມລິການັ້ນຫຼາຍສຸດມີພຽງແຕ່ 90 ວັນ ແລະຖ້າກາຍການກຳນົດນີ້ແລ້ວ, ເຈົ້າໜ້າທີ່ອາເມລິກາອາດຈະຮ້ອງຂໍແກ່ຍາວເວລາກັກ ຫຼືຕິດຕາມຢູ່ນອກຄຸກ.