ອົງການຄຸ້ມຄອງວຽກງານທາງທະເລແລະທ່າກຳປັ່ນສິງກະໂປ ແຈ້ງໃນວັນທີ 14 ກັນຍານີ້ວ່າ, ຂະແໜງການທີ່ກ່ຽວຂ້ອງໄດ້ເປີດກວ້າງຂອບເຂດການຊອກຄົ້ນລູກເຮືອຈີນ 3 ຄົນທີ່ຫາຍສາບສູນຈາກເຫດເຮືອຫຼົ້ມເມື່ອວັນທີ 13 ກັນຍານີ້.
ເຈົ້າໜ້າທີ່ອົງການດັ່ງກ່າວກ່າວວ່າ, ມີຫຼາຍຂະແໜງການຂອງປະເທດຕົນໄດ້ເຄື່ອນໄຫວຊອກຄົ້ນຮ່ວມກັນ ແລະເພີ່ມເນື້ອທີ່ການຊອກຄົ້ນຕາມໜ້ານ້ຳຈາກ 130 ກິໂລຕາແມັດຂຶ້ນເປັນ 250 ກິໂລຕາແມັດ, ສ່ວນທາງອາກາດກໍເພີ່ມຈາກ 770 ກິໂລຕາແມັດຂຶ້ນເປັນ 2701 ກິໂລຕາແມັດ.
ຂ່າວແຈ້ງວ່າ, ສິງກະໂປໄດ້ສົ່ງເຈົ້າໜ້າທີ່ 280 ຄົນ, ເຮືອບິນ 5 ລຳ ແລະກຳປັ່ນ 29 ລຳເພື່ອຊອກຄົ້ນຜູ້ຫາຍສາບສູນ, ຂະນະທີ່ສູນປະສານງານການຊ່ວຍເຫຼືອອິນໂດເນເຊຍ ກໍໄດ້ສົ່ງກຳປັ່ນ 10 ລຳຊ່ວຍຊອກຄົ້ນຢູ່ຕາມເຂດນ້ຳປະເທດຕົນເຊັ່ນດຽວກັນ.