ເຈົ້າໜ້າທີ່ຂະແໜງສາທາລະນະສຸກອີຣັກກ່າວໃນວັນທີ 14 ກັນຍານີ້ວ່າ, ຢູ່ເມືອງນາຊີຢາ ເທດສະບານແຂວງດີກາ ໄດ້ເກີດການໂຈມຕີດ້ວຍລະເບີດລົດ ສອງເທື່ອ ແລະເຫດການຍິງປືນເທື່ອໜຶ່ງໃນມື້ດຽວກັນ ສົ່ງຜົນເຮັດໃຫ້ 50 ຄົນເສຍຊີວິດແລະ 87 ຄົນບາດເຈັບ.
ຜູ້ສັນທັດກໍລະນີຂອງກົມຕຳຫຼວດແຂວງດີກາກ່າວວວ່າ, ໃນມື້ດັ່ງກ່າວ, ມີລົດຄັນໜຶ່ງທີ່ບັນທຸກລູກລະເບີດ ໄດ້ລະເບີດຢູ່ສະຖານີກວດກາຂອງເຂດຟາດັກ ສົ່ງຜົນເຮັດໃຫ້ມີຜູ້ເສຍຊີວິດແລະບາດເຈັບໂດຍບໍ່ຮູ້ຈຳນວນລະອຽດ. ຈາກນັ້ນ, ກຸ່ມປະກອບອາວຸດກຸ່ມໜຶ່ງໄດ້ໂຈມຕີຮ້ານອາຫານແຫ່ງໜຶ່ງຢູ່ເຂດດັ່ງກ່າວດ້ວຍການຍິງປືນ ສົ່ງຜົນເຮັດໃຫ້ 7 ຄົນເສຍຊີວິດໃນນີ້ເປັນຄົນອີຣານ 3 ຄົນ ແລະ 20 ຄົນບາດເຈັບ. ຈາກນັ້ນເຄິ່ງຊົ່ວໂມງ, ຢູ່ເຂດດັ່ງກ່າວກໍເກີດເຫດລະເບີດລົດອີກເທື່ອໜຶ່ງ ເຮັດໃຫ້ມີຜູ້ເສຍຊີວິດແລະບາດເຈັບຢ່າງຫຼວງຫຼາຍ.
ກຸ່ມ IS ໄດ້ອອກມາປະກາດວ່າເປັນຜູ້ກໍ່ເຫດໂຈມຕີດັ່ງກ່າວ.