ຕາມຂ່າວCRI: ຕອນເຊົ້າວັນທີ 15 ກັນຍາຕາມເວລາທ້ອງຖິ່ນ, ຕູ້ລົດໄຟໃຕ້ດິນຕູ້ໜຶ່ງຂອງລົດໄຟໃຕ້ດິນສາຍດິສທຣີທີ່ລອນດອນອັງກິດໄດ້ເກີດເຫດການລະເບີດແຕກ, ເຮັດໃຫ້ 20 ກວ່າຄົນບາດເຈັບ, ຕຳຫຼວດໄດ້ຢືນຢັນເຫດການເທື່ອນີ້ເປັນການໂຈມຕີແບບກໍ່ການຮ້າຍ, ນີ້ແມ່ນອັງກິດເກີດເຫດການແບບກໍ່ການຮ້າຍເປັນເທື່ອທີ 5 ນັບແຕ່ຕົ້ນປີນີ້ເປັນຕົ້ນມາ. ທ່ານນາງຕຼີຊາ ເມ ນາຍົກລັດຖະມົນຕີອັງກິດປະກາດຍົກລະດັບການຂົ່ມຂູ່ຕ້ານກໍ່ການຮ້າຍຂອງອັງກິນໃຫ້ຂຶ້ນສູງເຖິງ ລະດັບ "ອັນຕະລາຍ" ເຊິ່ງເປັນລະດັບສູງທີ່ສຸດ.
ຜູ່ຊ່ຽວຊານຕ້ານການກໍ່ການຮ້າຍວິເຄາະວ່າ, ໃນເຫດການເທື່ອນີ້ເຄື່ອງອຸປະກອນລະເບີດບໍ່ໄດ້ແຕກທັງໝົດ. ຖ້າລະເບີດໝົດແລ້ວກໍ່ຈະສ້າງຜົນຮ້າຍທີ່ໜັກໜ່ວງກວ່າ, ຜູ່ໂດຍສານໃນຕູ້ລົດໄຟໃຕ້ດິນອາດຈະເສຍຊີວິດທັງໝົດ. ປີ 2005, ອັງກິດເຄີຍເກີດເຫດການລະເບີດແຕກຢ່າງລຽນຕິດ, ຜູ້ກໍ່ການຮ້າຍໄດ້ກໍ່ປະຕິບັດການລະເບີດແຕກແບບສະຫຼະຊີບຢູ່ລົດໄຟໃຕ້ດິນ ແລະ ລົດເມຂອງນະຄອນຫຼວງລອນດອນຕາມລຳດັບ, ເຮັດໃຫ້ 52 ຄົນເສຍຊີວິດ, 700 ກວ່າຄົນບາດເຈັບ.
