ສື່ມວນຊົນອາເມລິກາລາຍງານໃນວັນທີ 17 ກັນຍານີ້ວ່າ: ເນື່ອງຈາກມີການຕັດສິນວ່າເຈົ້າໜ້າທີ່ຕຳຫຼວດທີ່ຍິງຄົນເຊື້ອສາຍອາຟຣິກກາບໍ່ຜິດຈິ່ງເຮັດໃຫ້ເກີດການປະທ້ວງໂດຍສະເພາະຢູ່ເມືອງແຊນລູອິສ ລັດມີຊູຣີສະຫະລັດອາເມລິກາດ້ວຍຄວາມຮຸນແຮງ ສົ່ງຜົນເຮັດໃຫ້ຮ້ານຄ້າບາງແຫ່ງຖືກທຳລາຍ ແລະເຈົ້າໜ້າທີ່ຕຳຫຼວດ 9 ຄົນບາດເຈັບ.
ຜູ້ພິພາກສາຂອງສານທ້ອງຖິ່ນດັ່ງກ່າວໄດ້ຕັດສິນໃນວັນທີ 15 ກັນຍານີ້ວ່າ: ເນື່ອງຈາກຫຼັກຖານບໍ່ພຽງພໍ, ຈິ່ງເຫັນວ່າທ້າວຈາຊັນ ສະຕອກຄລີ ອະດີດເຈົ້າໜ້າທີ່ຕຳຫຼວດເມືອງແຊນລູອິສທີ່ຖືກກ່າວຫາຍິງຊາວໜຸ່ມເຊື້ອສາຍອາຟຣິກກາເມື່ອປີນັ້ນບໍ່ໄດ້ກະທຳຜິດກົດໝາຍ.ທັງນີ້ເຫດດັ່ງກ່າວເກີດຂຶ້ນເມື່ອວັນທີ 20 ທັນວາ 2011ໂດຍທ້າວສະຕອກຄລີໄດ້ຍິງທ້າວແອນໂຕນີ ລາມາ ສະມິສ ທີ່ອາຍຸ 24 ປີໃນເວລາປະຕິບັດໜ້າທີ່. ຫຼັງການຕັດສິນກໍເກີດການປະທ້ວງໂດຍເລີ່ມແຕ່ວັນທີ 15 ກັນຍານີ້ແລະມາຮອດຕອນຄ່ຳວັນທີ 16 ເດືອນດຽວກັນ, ຜູ້ປະທ້ວງຈຳນວນໜຶ່ງໄດ້ໂຮມກັນຢູ່ສູນການຄ້າເຂດຊານເມືອງແຊນລູອິສແລະທຸບຕູ້ແກ້ວວາງສິນຄ້າຂອງຮ້ານຄ້າແຕກ ທັງປະທະກັບເຈົ້າໜ້າທີ່ຕຳຫຼວດດ້ວຍການດຶກກ້ອນດິນຈີ່ແລະກະຕຸກນ້ຳໃສ່ເຈົ້າໜ້າທີ່ຕຳຫຼວດ, ຂະນະທີ່ເຈົ້າໜ້າທີ່ຕຳຫຼວດຕອບໂຕ້ຄືນດ້ວຍການໃຊ້ແກັສນ້ຳຕາແລະຍິງລູກປືນຢາງ.
 |
