ແຫຼ່ງຂ່າວຈາກສູນຄົ້ນຄວ້າຊີວະນານາພັນອາຊີຕາເວັນອອກສຽງໃຕ້ ສະຖາບັນວິທະຍາສາດແຫ່ງຊາດຈີນ ໃຫ້ຮູ້ໃນວັນທີ 17 ກັນຍານີ້ວ່າ: ຫຼັງນັກຄົ້ນຄວ້າວິທະຍາສາດໃນໜ່ວຍຄົ້ນຄວ້າແລະອະນຸລັກຊີວະນານາພັນຂອງສູນຕົນ ໄດ້ຮ່ວມມືກັບນັກຄົ້ນຄວ້າວິທະຍາສາດມຽນມາ ກໍສາມາດຄົ້ນພົບດອກ garden balsam ພັນໃໝ່ສອງປະເພດ ໂດຍຕັ້ງຊື່ວ່າ garden balsam ຫາງນົກແອ່ນ ແລະ garden balsam ລະແຊັງ.
ເພື່ອລະນຶກເຖິງການສະໜັບສະໜູນຢ່າງໃຫຍ່ຫຼວງຈາກສູນຄົ້ນຄວ້າຊີວະນານາພັນອາຊີຕາເວັນອອກສຽງໃຕ້ ຕໍ່ການຄົ້ນຄວ້າຊີວະນານາພັນພາກເໜືອມຽນມາ ຈຶ່ງໄດ້ເອົາຊື່ຫຍໍ້ພາສາອັງກິດຂອງສູນດັ່ງກ່າວເປັນຊື່ດອກໄມ້ໜຶ່ງໃນສອງປະເພດດັ່ງກ່າວ. ພ້ອມກັນນັ້ນ, ເນື່ອງຈາກຮູບດອກໄມ້ຄ້າຍຄືຫາງນົກແອ່ນ ຈຶ່ງໄດ້ຕັ້ງຊື່ເປັນພາສາຈີນເປັນ ດອກເຟິ້ງຊ່ຽນຫາງນົກແອ່ນ; ອີກປະເພດໜຶ່ງໄດ້ຕັ້ງຊື່ຕາມເຂດສຳຫຼວດວິທະຍາສາດພາກເໜືອມຽນມາ, ຂະນະທີ່ຊື່ພາສາຈີນແມ່ນ ດອກເຟິ້ງຊ່ຽນລະແຊັງ.
ການປະກາດພືດຕະກຸນດຽວສອງປະເພດດັ່ງກ່າວຢ່າງເປັນທາງການ ສະແດງໃຫ້ເຫັນເຖິງຄວາມປາຖະໜາອັນດີງາມຂອງພະນັກງານຄົ້ນຄວ້າວິທະຍາສາດຈີນແລະມຽນມາທີ່ຫວັງຈະໄດ້ຮັບຜົນພວງຕ່າງໆໃນການຄົ້ນຄວ້າຊີວະນານາພັນຢູ່ພາກເໜືອມຽນມາ ພາຍໃຕ້ການຊ່ວຍເຫຼືອຈາກສູນຄົ້ນຄວ້າຊີວະນານາພັນອາຊີຕາເວັນອອກສຽງໃຕ້ ສະຖາບັນວິທະຍາສາດແຫ່ງຊາດຈີນ.