ໃນພາບຄື ວັນທີ 17 ກັນຍານີ້, ໃນໂຮງງານຜະລິດໂຄມໄຟແຫ່ງໜຶ່ງຢູ່ບ້ານຢາງຈ້າວ ເມືອງຈີ້ຊ່ານ ທີ່ຂຶ້ນກັບເມືອງຢິ້ນເສິງ ແຂວງຊ່ານຊີ່ ສປ ຈີນ, ນາງກວນສຽວລານ ພວມເກັບໂຄມໄຟທີ່ຕາກແລ້ວ. ທັງນີ້, ຄຽງຄູ່ກັບບຸນວັນຊາດ ແລະ ບຸນໄຫວ້ພະຈັນທີ່ໃກ້ຈະມາເຖິງ, ຊາວບ້ານຢາງຈ້າວ ເມືອງຈີ້ຊ່ານ ແຂວງດັ່ງກ່າວ ເຊິ່ງເປັນບ່ອນຜະລິດແລະຈຳໜ່າຍໂຄມໄຟທີ່ສຳຄັນ ກໍເລັ່ງເຮັດວຽກແລະເພີ່ມໂມງຜະລິດໂຄມໄຟເພື່ອຕອບສະໜອງຕາມການສັ່ງຊື້ ໂດຍໃນບ້ານດັ່ງກ່າວທີ່ມີໂຮງງານຜະລິດໂຄມໄຟຫຼາຍສິບແຫ່ງຕ່າງກໍເລັ່ງຜະລິດເພື່ອຕອບສະໜອງຕາມຄວາມຕ້ອງການຂອງລູກຄ້າ.