ໃນໂອກາດພົບປະກັບທ່ານເຊັກຟຣິດ ບຣັກ ປະທານສະພາຕ່ຳບຣຸດແຊນຢູ່ນະຄອນຫຼວງເຕເຮຣານປະເທດອີຣານໃນວັນທີ 16 ກັນຍານີ້, ທ່ານຮາຊັນ ລູຮານີ ປະທານາທິບໍດີອີຣານກ່າວວ່າ, ຫວັງໃຫ້ສະຫະພາບເອີລົບເຕືອນອາເມລິກາຈົ່ງປະຕິບັດຕາມສັນຍາກ່ຽວກັບບັນຫານິວເຄຼຍອີຣານຢ່າງຮອບດ້ານ.
ສະຖານີໂທລະພາບທາງລັດຖະການຂອງອີຣານໄດ້ລາຍງານອີງຕາມການເປີດເຜີຍຂອງທ່ານລູຮານີວ່າ: "ກ່ອນອື່ນ, ພວກເຮົາຫວັງວ່າສະຫະພາບເອີລົບສາມາດປະຕິບັດຕາມສັນຍາ ກ່ຽວກັບບັນຫານິວເຄຼຍອີຣານຢ່າງຮອບດ້ານ, ຈາກນັ້ນ, ພວກເຮົາຫວັງໃຫ້ສະຫະພາບເອີລົບ ສົ່ງສັນຍານຮັດໜີບອາເມລິກາຢ່າງແຂງແຮງ, ເພື່ອເຕືອນໃຫ້ອາເມລິກາປະຕິບັດຕາມສັນຍາດັ່ງກ່າວ." ທ່ານບຣັກກ່າວວ່າ, ສັນຍາກ່ຽວກັບບັນຫານິວເຄຼຍອີຣານຢ່າງຮອບດ້ານມີຄວາມສຳຄັນທີ່ສຸດສຳລັບສະຫະພາບເອີລົບແລະອີຣານ, ເຊິ່ງປະເທດຕົນຈະອອກແຮງຊຸກຍູ້ໃຫ້ສະຫະພາບເອີລົບປະຕິບັດຕາມສັນຍາສະບັບນີ້ຢ່າງສຸດຂີດ.
 |
