ໃນໂອກາດລະນຶກວັນເກີດເຫດການປະຫວັດສາດ "18 ກັນຍາ" ຄົບຮອບ 86 ປີໃນວັນທີ 18 ກັນຍານີ້, ນາຍແລະພົນທະຫານຈີນໄດ້ເຂົ້າຮ່ວມກິດຈະກຳຕ່າງໆເພື່ອລະນຶກແລະບໍ່ຫຼົງລືມປະຫວັດສາດ, ເພື່ອເສີມຂະຫຍາຍນ້ຳໃຈຮັກຊາດ, ເພີ່ມທະວີຄວາມຮັບຜິດຊອບຕໍ່ຊາດ, ແລະປະຕິບັດພາລະໜ້າທີ່ຂອງຕົນປະກອບສ່ວນທາງສະຕິປັນຍາແລະກຳລັງວັງຊາເພື່ອປະເທດຊາດໃຫ້ຫຼາຍກວ່າເກົ່າ.
ວັນທີ 18 ກັນຍາ 1931, ກອງທັບຍີ່ປຸ່ນໄດ້ເຂົ້າຮຸກຮານພາກຕາເວັນອອກສຽງເໜືອຂອງຈີນໂດຍໄດ້ທຳລາຍທາງລົດໄຟເມັນຈູໃຕ້ແຄມໜອງລິວຖຽວເມືອງເສິນຢາງ, ກາຍເປັນເຫດການ "18 ກັນຍາ" ທີ່ສະເທືອນຂວັນປະຊາຊົນຈີນແລະຊາວໂລກ, ແລະຖືເປັນການເລີ່ມຕົ້ນຂອງສົງຄາມຮຸກຮານຈີນທີ່ໂຫດຮ້າຍປ່າເຖື່ອນ.
